ŚMI: Homielskaje pradpryjemstva moža rabić dla Rasii «zuby drakona»
Błohier Anton Matolka ŭ svaim telehram-kanale adhuknuŭsia na raniej padadzienuju homielskim vydańniem «Fłahštok» infarmacyju pra toje, što na Homielščynie zaŭvažajuć mašyny, jakija voziać supraćtankavyja bietonnyja kanstrukcyi pad nazvaj «zuby drakona». Pavodle Matolki, ich robiać dla rasijskich vajennych patrebaŭ na biełaruskich pradpryjemstvach.
Vydańnie «Fłahštok» paviedamiła, što na praciahu apošniaha miesiaca žychary Homiela zaŭvažajuć transpartavańnie bietonnych kanstrukcyj u vyhladzie piramid, a dakładniej supraćtankavych umacavańniaŭ, jakija nazyvajuć «zuby drakona». Heta kvadratna-piramidalnyja ŭmacavańni z žalezabietonu vyšynioj 90—120 sm, jakija ŭpieršyniu vykarystoŭvalisia padčas Druhoj suśvietnaj vajny dla stvareńnia pieraškodaŭ ruchu tankaŭ i motapiachoty.
Ciapier rasijskija vajskoŭcy ładziać takija bietonnyja piramidy na akupavanych imi ŭkrainskich ziemlach, a taksama ŭ Biełharadskaj vobłaści. Mienavita jany prymianiajucca pry stvareńni tak zvanaj «linii Vahniera» na Danbasie.
U Homieli ŭpieršyniu pieravozka takich bietonnych umacavańniaŭ była zaŭvažanaja ŭ śniežni 2022 hoda. Ich pieravoziać na hruzavikach-daŭhamierach, čaściej za ŭsio marki KamAZ jak z rasijskimi, tak i ź biełaruskimi numarami. U adnym hruzaviku zaŭvažajuć u siarednim pa 15—20 «zuboŭ».
«Fłahštok» dapuskaje, što «pieravozka bietonnych pieraškod moža śviedčyć ab stvareńni linii abarony ŭ Homielskaj vobłaści abo Branskaj vobłaści RF», ale, pa źviestkach Antona Matolki, «zuby drakona» ŭžo bolš za miesiac vyrablajucca na Homielskim zavodzie žalezabietonnych vyrabaŭ i adpraŭlajucca ŭ Rasiju.
Bolš taho, pa papiaredniaj infarmacyi, «Homielžalezabieton» moža być nie adzinym biełaruskim pradpryjemstvam, jakoje vyrablaje takija supraćtankavyja ŭmacavańni.
Čytajcie taksama:
Brytanskaja raźviedka: Rasija buduje ŭmacavańni, padobnyja da «linii Vahniera», i na inšych akupavanych terytoryjach
Stała viadoma, dzie budzie prachodzić «Linija Vahniera». Heta prychavanaja prapanova kampramisu ad Pucina?
Ciapier čytajuć
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie55
Kamientary