Siońnia Alaksandr Łukašenka vystupiŭ sa šmatsłoŭnymi zajavami, u tym liku na adras naroda i biełarusaŭ-emihrantaŭ (Łukašenka: Tyja, chto viartajecca, pavinny stać jašče bolšymi jabaćkami, čym tyja, chto tut), (Vyleźli z-pad plintusa — reakcyja budzie žorstkaja), (Łukašenka: Zialenski kalinoŭcaŭ u kalascy pa chakiejnaj placoŭcy katać nie budzie). «Naša Niva» pierakłała ich z movy namiokaŭ.
Alaksandr Łukašenka cudoŭna viedaje, što «niama durnych» i nie spadziajecca nikoha viarnuć. Naadvarot, jon i nie choča, kab jaho praciŭniki viartalisia. Ën praciahvaje masavyja represii, heta značyć, praciahvaje vyciskać aktyŭnych ludziej ź Biełarusi.
Zajavy Łukašenki majuć inšuju metu — minimizavać aktyŭnaść ludziej, u tym liku ŭ emihracyi. Jany chočuć, kab ludzi maŭčali nie tolki ŭnutry krainy, ale i za miažoj.
Budziecie maŭčać i nie rypacca ciapier — budziecie mieć, nie ciapier, a ŭ budučyni, bolšy šaniec vyrašyć niejkaje pytańnie ŭnutry krainy ci pryjechać. A tyja, chto budzie aktyŭny, chto, u terminałohii Łukašenki «praciahvaje destruktyŭnuju dziejnaść suprać našaj krainy», tyja takoj mahčymaści nie atrymajuć: «U takim vypadku zvarotnaj darohi niama i nie budzie».
Łukašysty chočuć jak źmienšyć kolkaść ludziej, jakija dałučajucca da biełaruskich dobraachvotnickich bataljonaŭ, tak i kolkaść tych, chto biare aktyŭny ŭdzieł u niezaležnych asiarodkach emihracyi (udzielničaje ŭ inicyjatyvach, danacić u fondy salidarnaści i na ŚMI, padtrymlivaje dobraachvotnikaŭ i hetak dalej).
Łukašenkaŭcy robiać z emihracyjaj toje, čym jany ciapier zajmajucca z Ukrainaj i Zachadam,— handlujuć pavietram i abiacankami nie abvastrać situacyju.
(hartajcie nižej, kab pračytać praciah)
«Naša Niva» — bastyjon biełaruščyny
PADTRYMAĆ«My nie spynim padtrymki Rasii, nie spynim materyjalna-techničnaje i prapahandysckaje zabieśpiačeńnie rasijskaj ahresii. Ale kali vy źmienšycie padtrymku kalinoŭcaŭ i apazicyi i ŭstrymajeciesia ad novych sankcyj, my nie budziem uzmacniać padtrymku Rasii», — heta pasłańnie Ukrainie i Zachadu.
«Kali vy budziecie siadzieć i maŭčać i nie budziecie padtrymlivać Cichanoŭskuju, Abjadnany pierachodny kabiniet i kalinoŭcaŭ, to my nie amnistujem vas, bo nam vy tut nie treba, ale i nie zrobim vam horš. A nie budziecie maŭčać — tady budziem rabić vam jašče horš» — voś pasłańnie Łukašenki.
Alaksandra Łukašenku praciahvaje napružvać jak najaŭnaść u jaho praciŭnikaŭ adzinaha centra i adzinaha lidara, tak i stvareńnie dobraachvotnickich farmavańniaŭ z dośviedam bajavych dziejańniaŭ. U vypadku asłableńnia Rasii, jaje paražeńnia va Ukrainie, i pieršaje, i druhoje moža mieć dla biełarusaŭ značeńnie.
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia19
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary