Infarmacyju paćvierdziła žonka biźniesmiena, zajaviŭšy, što «jaho padstaviŭ partnior pa biźniesie».
Adzin z samych viadomych pradstaŭnikoŭ biełaruskaha šou‑biźniesu znachodzicca zaraz ŭ SIZA horada Žodzina, paviedamlaje «Ježiednievnik». Infarmacyju paćvierdziła žonka biźniesmiena, zajaviŭšy, što «jaho padstaviŭ partnior pa biźniesie».
Pavodle źviestak «Ježiednievnika», Hienadź Šulman padazrajecca ŭ ździajśnieńni bujnoha machlarstva. Mahčyma, sprava ŭ vialikich daŭhach biźniesmiena. Jašče ŭ traŭni 2007 hoda Haspadarčy sud Minska pryniaŭ rašeńnie ab pačatku pracedury bankructva pradziusierskaj kampanii «Kłas‑Kłub DK», uładalnikam jakoj źjaŭlaŭsia Šulman. Heta pradpryjemstva mieła dziaržaŭnuju licenziju na hastrolna‑kancertnuju dziejnaść u Biełarusi №1. U dačynieńni AAT «Kłas‑Kłub DK» adkryli konkursnuju vytvorčaść, zatym kiraŭnik staŭ źbirać finansavyja pretenzii šmatlikich kredytoraŭ.
Jak paspaviadaŭ u 2007 hodzie konkursny kiraŭnik Dźmitryj Samusienkaŭ, prablemy pačalisia, kali kampanija nie zmahła likvidavać pazyki pierad niekatorymi svaimi partniorami, a taksama pierad biudžetam.
AAT «Kłas‑ Kłub DK», jakim kiravaŭ Hienadź Šulman, pracavała z bujnymi zamiežnymi kancertnymi ahienctvami pa ŭklučeńni Biełarusi ŭ hastrolnyja hrafiki suśvietnych zorak. Siarod zorak, jakija pryjechali ŭ Biełaruś, dziakujučy pracy kampanii, značacca Deep Purple, Scorpions, Nazareth, Whitesnake, DIO, Robiert Płant, Patrysija Kaas i Krys die Burh.
Ciapier čytajuć
Biaspałaŭ kančatkova rassvaryŭsia ź Cichanoŭskim: Dla jaho dobry tolki adzin čałaviek — Prakopjeŭ79
Kamientary