20 lipienia svajo 25-hodździe adśviatkavaŭ adzin ź lideraŭ niezarehistravanaha "Maładoha frontu" Źmicier Daškievič. "Naša Niva" nie mahła praminuć takoje daty j prymierkavała hutarku sa Źmitrom da jahonaha jubileju.
Źmitru Daškieviču 25 hadoŭ. Ź ich paŭhodu jon adsiadzieŭ na «sutkach».
20 lipienia svajo 25-hodździe adśviatkavaŭ adzin ź lideraŭ niezarehistravanaha «Maładoha frontu» Źmicier Daškievič. «Naša Niva» nie mahła praminuć takoje daty j prymierkavała hutarku sa Źmitrom da jahonaha jubileju.
«NN»: Źmicier, najpierš chaču pavinšavać ciabie ad imia ŭsioj redakcyi ź jubilejem.
Źmicier Daškievič: Dziakuj.
«NN»: Što dla ciabie značyć heta data ŭ 25 hadoŭ?
ZD: Pa ščyraści, navat nie było času, kab adśviatkavać narodziny, nia toje, što zadumvacca ab značnaści padziei. Sustreŭ jubilej jak šarahovuju padzieju, biez zališniaj pampeznaści i filazofskich rozmysłaŭ.
«NN»: Ci dumaŭ, kali ŭ 2000 hodzie ŭstupaŭ u «Małady front», što praz čatyry hady stanieš adnym ź lideraŭ arhanizacyi?
ZD: Najchutčej, nie. Bo niejkaje kiraŭnictva ŭ mianie nikoli nie było samametaj. Ale tak skłałasia, i ja ni ab čym nie škaduju.
«NN»: Źmicier, siońnia dla vialikaj kolkaści moładzi ty nieasprečny aŭtarytet u mnohich pytańniach. Ci adčuvaješ adkaznaść za hetych maładzionaŭ?
ZD: Kaniečnie. Sprabuješ nie rasčaroŭvać ich. Uzvažvaješ kožnaje svajo słova i učynak.
«NN»: Ci škadavaŭ kali, što źviazaŭ svajo žyćcio z «MF»?
ZD: Nikoli! I navat nie zadumvaŭsia ab hetym. Ja ŭdziačny Hospadu, što jon pryvioŭ mianie ŭ hetuju arhanizacyju.
«NN»: Chto dla ciabie Sieviaryniec?
ZD: Najpierš siabar i paplečnik, jaki viedaje, jak tabie dapamahčy ŭ składany momant. Taksama nastaŭnik, jon šmat čamu navučyŭ mianie ŭ žyćci. A jašče Sieviaryniec – etalon biełaruskaha palityka. Takich samaachviarnych palitykaŭ, jak Paša, pabolej by.
«NN»: Ci nie baiśsia trapić na «chimiju» ci ŭ turmu jak toj ža Sieviaryniec ci Fińkievič?
ZD: A čaho tut bajacca? Ja nie napružvajusia na hety kont; kali tak treba, to siadu. Ja ŭžo dumaŭ, što budu siadzieć paśla vybaraŭ. Śledčyja KDB źbirali materyjał na mianie, kab pieradać u prakuraturu. U našaj krainie kinuć čałavieka za kraty nie prablema, ale pakul ja na voli, budu praciahvać zmahańnie.
«NN»: Ci spyniać ułady kryminalny pieraśled «maładafrontaŭcaŭ»?
ZD: Nie chaču ničoha zahadvać pa hetym pytańni. Heta ŭsio vielmi baluča, ale ja spadziajusia na lepšaje.
«NN»: Chutka źjezd «MF». Ci hatovy da taho, što ciabie nie pieraabiaruć na staršynstva?
ZD: Kiravańnie nia jość dla mianie samametaj, ale ŭ mianie jość kankretnaja prahrama dziejnaści arhanizacyi, i, ja dumaju, udzielniki źjezdu padtrymajuć mianie.
«NN»: Jakuju možaš dać acenku dziejnaści salihorskich «maładafrontaŭcaŭ»?
ZD: U Salihorsku jašče maładaja, ale vielmi aktyŭnaja struktura. Jany małajcy. I salihorcy pavinny stać uzoram dla «maładafrontaŭcaŭ» u inšych haradoch.
«NN»: Kolki času ad pieršaha aryštu ŭ 2002-m ty sumarna adsiedzieŭ na sutkach?
ZD: Žurnalisty padličyli, što dzieści paŭhodu. Kaniečnie, stamiŭsia žachliva, ale, kali siadžu, značyć, heta niekamu treba.
«NN»: Ci mahli, na tvoj pohlad, padziei na Płoščy skłaścisia inačaj?
ZD: Mahli. Praŭda, tolki 19 sakavika. Astatnija čatyry dni moładź prosta adstojvała honar biełaruskaj apazycyi.
«NN»: Niadobrazyčliŭcy zakidajuć «MF» praźmiernuju relihijnaść. Što ty adkažaš na takija zakidy?
ZD: Skažu, što adzin čałaviek, jaki staić na padmurkach Chrysta, zrobić našmat bolej za tysiaču buntaroŭ, jaki nia viedajuć čaho jany chočuć i na jakich maralnych kaštoŭnaściach jany stajać. Ja sam staŭ viernikam adnosna niadaŭna. Chadžu ŭ pratestanckuju carkvu, vyvučaju Bibliju. Z hetaha času ja šmat čaho zrazumieŭ.
«NN»: Źmicier, ci apraŭdanyja lubyja srodki zmahańnia dziela dabra Baćkaŭščyny?
ZD: Nie. Jak napisana ŭ Biblii, nikoli nie pieramožacie, kali budziecie zmahacca niezakonnymi srodkami. Naša baraćba i jość mocnaj dziakujučy svajmu maralnamu aspektu.
«NN»: Ci ŭvažaješ ty siabie za ščyraha palityka?
ZD: Ja imknusia da hetaha. Nie byvaje biezzahannych ludziej, i ja tut nie vyniatak. Ale sprabuju vypravić svaje pamyłki. Nie kryŭduju na krytyku i zaŭvahi.
«NN»: Jakija ŭ ciabie zacikaŭlenaści, aproč palityki?
ZD: Tak skłałasia, što «MF» dla mianie ŭsio. Ja całkam addajusia arhanizacyi i zmahańniu. Na astatniaje, akramia vučoby, paprostu nie zastajecca času.
«NN»: Źmicier, a ci nia dumaješ jašče žanicca?
ZD: Pakul što nie. Treba spačatku svabody dla krainy damahčysia, a ŭžo potym i pra viasielle dumać.
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ6
Kamientary