Google raskazaŭ pra 12 niebiaśpiečnych prahram dla Android. Voś čamu ich treba vydalić zaraz ža
Niekatoryja ź ich majuć miljony spampovak.

Dniami kampanija Google apublikavała śpis prahram, jakija niasuć niepasrednuju pahrozu karystalnikam Android-pryład.
Paviedamlajecca, što hetyja raznastajnyja prahramy — ad trekieraŭ zdaroŭja da hulniaŭ — adznačylisia biaskoncym pakazam rekłamy, fišynhavymi atakami, kradziažom kanfidencyjnaj infarmacyi i ŭviadzieńniem karystalnikaŭ u zman nakont biaspłatnych pryzoŭ za fizičnuju aktyŭnaść.
Mnohija ź ich byli spampavanyja ad niekalkich tysiač da niekalkich miljonaŭ razoŭ ź internet-kramy Google Play, dzie jany ŭžo pačali błakavacca.
Voś poŭny śpis niebiaśpiečnych prahram:
- Lucky Step-Walking Tracker — 10 młn spampovak
- WalkingJoy — 5 młn spampovak
- Lucky Habit: health tracker — 5 młn spampovak
- Golden Hunt — 100 tys. spampovak
- Reflector — 100 tys. spampovak
- Seven Golden Wolf blackjack — 100 tys. spampovak
- Unlimited Score — 50 tys. spampovak
- Big Decisions — 50 tys. spampovak
- Jewel Sea — 10 tys. spampovak
- Lux Fruits Game — 10 tys. spampovak
- Lucky Clover — 10 tys. spampovak
- King Blitz — 5 tys. spampovak
Kali vy znajšli siarod ich tyja, jakija ŭstanoŭlenyja asabista ŭ vas, kampanija Google nastojliva raić vydalić ich dla biaśpieki vašaj pryłady. Taksama Google nahadvaje pra nieabchodnaść spampoŭki prahram tolki z aficyjnych i pravieranych krynic.
Čytajcie jašče:
Ciapier Google Voice budzie papiaredžvać vas pra mahčymyja spam-zvanki
Jak abaranić siabie i svoj akaŭnt u WhatsApp: pakrokavy hajd
Važna viedać. Jakim čynam represiŭnyja orhany dastajuć užo vydalenuju infarmacyju z Telegram i što možna z hetym zrabić?
-
Falsifikacyi ŭ daśledavańniach chvaroby Alchiejmiera. Jak vyniki pryviali nie tudy
-
Biełaruskija vučonyja pachvalilisia papiarovymi kubačkami, vyrablenymi pa novaj technałohii. Takija to rabili daŭno, ale našy dadali inšaje rečyva
-
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
Kamientary