ZŠA pahadzilisia pradać Polščy zbroi na $10 młrd, u tym liku rakiety ATACMS. Ale biez prava pieradačy Ukrainie
Dziarždepartamient ZŠA ŭchvaliŭ prodaž Polščy rakiet i puskavych ustanovak na ahulnuju sumu 10 młrd dalaraŭ, paviedamlaje Reuters sa spasyłkaj na Ministerstva abarony ZŠA.
U pryvatnaści, Polšča atrymaje 18 puskavych ustanovak HIMARS, dobra znajomych dziakujučy vajnie va Ukrainie (Ukraina ź leta atrymała jak minimum 20 adzinak), 1559 rakiet GMRS (z dalokaściu da 90 km — ich aktyŭna prymianiaje i Ukraina),
a taksama balistyčnyja rakiety ATACMS, jakija zapuskajucca tym ža HIMARS, ale z dalokaściu amal 300 km.
Hetyja apošnija Vašynhton pieradavać Ukrainie admaŭlajecca; adznačajecca, što Polšča atrymaje ich z umovaj nie pieradavać trecim krainam biez zhody ZŠA.
Heta, adnak, kali nie apošniaja farmalnaść — zastajecca padpisać kantrakty z vytvorcam.
Apošnija hady i asabliva z pačatku vialikaj vajny va Ukrainie Polšča pačała maštabnaje pieraŭzbrajeńnie i naroščvańnie svajho vojska. Staroje ŭzbrajeńnie savieckich uzoraŭ jana ŭ vialikich kolkaściach pieradaje Ukrainie.
Tak, u mai Polšča zaprasiła ŭ ZŠA až 500 adzinak HIMARS; vytvorca Lockheed Martin adkazaŭ, što zmoža pastavić maksimum 200 adzinak. Polšča taksama zamoviła ŭ Paŭdniovaj Karei 288 reaktyŭnych puskavych ustanovak Chunmoo. Na praciahu 2022 hoda Varšava taksama zamoviła ŭ ZŠA 116 tankaŭ Abrams madyfikacyi M1A1 Abrams i 250 madyfikacyi M1A2.
Ciapier čytajuć
Aryštavali byłoha pamočnika Michaiła Miaśnikoviča5
Aryštavali byłoha pamočnika Michaiła Miaśnikoviča
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary