Usio žyćcio treniera Michaiła Basa, jaki pamior na 76-m hodzie žyćcia, było źviazana z mahiloŭskim futbołam, najbolšych pośpiechaŭ jon dabiŭsia z kamandaj «Tarpieda», jakaja pad jahonym kiraŭnictvam u 1990-ja hady hulała ŭ Vyšejšaj lizie, paviedamlaje Tribuna.
Treniravaŭ mahiloŭski kłub «Tarpieda» Michaił Bas z kanca 1970-ch, kali kamanda hulała ŭ čempijanacie BSSR. Ułasna kažučy, jon kamandu i stvaryŭ. Pad jaho kiraŭnictvam jana stała čempijonam BSSR, dva razy brała srebranyja miedali i adzin raz bronzavyja.
U 1992 hodzie mahiloŭskaje «Tarpieda» startavała ŭ elitnaj lizie pieršaha čempijanatu niezaležnaj Biełarusi i nie pakidała jaje dzieviać hadoŭ. Vylecieła z Vyšejšaj lihi kamanda «Tarpieda-Kadzina» tolki ŭ 2000 hodzie i nieŭzabavie spyniła svajo isnavańnie. Uvieś hety čas kiravaŭ kamandaj Michaił Bas. Samy paśpiachovy siezon byŭ u 1995 hodzie, kali «Tarpieda» dajšło da finała Kubka Biełarusi.
Pad kiraŭnictvam Basa ŭ składzie mahiloŭskaha «Tarpieda» raskrylisia takija viadomyja futbalisty, jak Siarhiej Harłukovič, Alaksandr Siadnioŭ, Viačasłaŭ Hieraščanka i Vital Łańko. Tut zaviaršali svaje karjery Ihar Kryvušenka, Aleh Kubaraŭ, Andrej Skarabahaćka, Siarhiej Jasinski, Eduard Bałtruševič i Alaksandr Rabakoń. Bolšaść z nazvanych futbalistaŭ paśla stała paśpiachovymi trenierami.
Paśla zakančeńnia trenierskaj karjery Michaił Bas pracavaŭ dyrektaram spartyŭnaha kłuba «Tarpieda» ŭ Mahilovie.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary