Biełaruskaja čyhunka choča pryciahnuć 5 miljonaŭ dalaraŭ ad prodažu tokienaŭ
Biełaruskaja čyhunka pačała raźmiaščeńnie tokienaŭ na kryptapłatformie Finstore.by. Abjom emisii ličbavych znakaŭ — $5 młn. Taki abjom inviestycyj dziaržkampanija raźličvaje pryciahnuć u biahučuju dziejnaść, piša Office Life.
Zajaŭlenaja dachodnaść pa vypuščanych tokienach — 7,9% hadavych, naminał — $100, usiaho vypuščana 50 tys. tokienaŭ.
U praśpiekcie emisii BČ paviedamlaje, što 2022 hod prynios peŭny pazityŭ u častcy adnaŭleńnia pasažyrskich pieravozak, abjom jakich skłaŭ 62 młn čałaviek. Vyručka ad pasažyrskich pieravozak uzrasła na 44,5%.
Abjom pieravozak u mižnarodnych znosinach pavialičyŭsia da 2,7 młn pasažyraŭ i adnosna ŭzroŭniu dapandemijnaha 2019 hoda vyras na 12,5 tys., u tym liku ŭ pramych znosinach pieravieziena 2,5 młn čałaviek, abo 118% da ŭzroŭniu 2019 hoda.
Pa-raniejšamu najbolšuju dolu ŭ ahulnym abjomie zajmajuć pieravozki pasažyraŭ u miežach krainy.
Finstore.by — anłajn-płatforma bankaŭskaha chołdynha AAT «Bank BiełVEB», jakaja akazvaje pasłuhi pa prodažy i raźmiaščeńni tokienaŭ. Da ciapierašniaha času płatforma dapamahła pryciahnuć inviestycyi 65 kampanijam.
Ciapier čytajuć
«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ10
Kamientary