U sieradu, 15 lutaha, u baranavicki «Vydaviecki dom «Inteks-pres» pryjšli supracoŭniki pravaachoŭnych orhanaŭ z pastanovaj ab praviadzieńni ahladu budynka. Što jany tam šukali, paviedamlaje vydańnie.
U pastanovie, padpisanaj načalnikam Baranavickaha HAUS A. Studzieničnikam i sankcyjanavanym namieśnikam Baranavickaha mižrajonnaha prakurora A. Chvalko, paznačana, što byli razhledžanyja «materyjały pravierak pa fakcie parušeńnia zakanadaŭstva ab ŚMI». Jakija parušeńni — nie ŭdakładniajecca. Ale pieraličvajucca videa, apublikavanyja na YouTube-kanale Intex-press.
Siarod ich «Što paprasili b u Dzieda Maroza žychary Baranavičaŭ (dzie, jak udakładniajecca ŭ pastanovie, adnym ź intervjujavanych źjaŭlaŭsia miascovy žychar «z ukazańniem jaho imia i proźvišča), «Pra što b spytali kiraŭnika horada, raspaviali žychary Baranavičaŭ» i «Pradukcyju jakich pradpryjemstvaŭ z Baranavičaŭ možna pastaŭlać u Afryku».
Jak adznačajecca ŭ dakumiencie, zrabić ahlad pastanoŭlena, «uličvajučy najaŭnaść dastatkovych padstaŭ mierkavać, što ŭ chodzie ahladu <…> mohuć być vyjaŭlenyja ślady administracyjnaha pravaparušeńnia, inšyja materyjały, abjekty, vyśvietlenyja inšyja abstaviny, jakija majuć značeńnie dla spravy ab administracyjnym pravaparušeńni».
Padčas ahladu zabrali sistemnyja błoki, fotaaparat, noŭtbuki, uklučajučy asabistyja noŭtbuki supracoŭnikaŭ Intex-press, a taksama kampjutarnuju techniku buchhałteryi i rekłamnaha adździeła.
Karespandenta, jaki kantaktavaŭ z haradžanami na vulicach Baranavičaŭ, na 16 lutaha vyklikali ŭ Baranavicki HAUS.
-
«Chacieŭ pajści na słužbu, abaraniać vas ad dronaŭ». Hamielčuka, jaki maryŭ słužyć u vojsku, zatrymali «za padpisku»
-
«U kałoniju zajechała žančyna, jakaja adpraŭlała mnie miłyja pasyłki». Intervju z hałoŭnaj redaktarkaj Tut.by Marynaj Zołatavaj
-
Mabilnym apierataram zabaranili zahaniać biełarusaŭ u vialiki minus
Ciapier čytajuć
Mabilnym apierataram zabaranili zahaniać biełarusaŭ u vialiki minus6
Mabilnym apierataram zabaranili zahaniać biełarusaŭ u vialiki minus
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary