Jano atrymaje nazvu «Polski dobraachvotnicki lehijon» i budzie padparadkavana Ministerstvu abarony Ukrainy.
Va Ukrainie pačynaje farmavacca Polski dobraachvotnicki lehijon, jaki budzie zajmacca dyviersijna-raźviedvalnaj dziejnaściu. Pra heta 16 studzienia paviedamiŭ najbujniejšy polski navinavy internet-partał Onet.
Heta farmavańnie, pa źviestkach partała, budzie saboj ujaŭlać śpiecpadraździaleńnie, u skład jakoha buduć uvachodzić vieterany polskaha armiejskaha śpiecnaza i zvyčajnyja dobraachvotniki z Polščy.
Nabor bajcoŭ budzie adbyvacca ŭ nieviadomym miescy, a štab samoha padraździaleńnia ŭžo pracuje va ŭmovach sakretnaści.
«Śpiecpadraździaleńnie budzie pravodzić dyviersijnyja i raźviedvalnyja misii. Častka dobraachvotnikaŭ užo maje bajavy dośvied vajny va Ukrainie i rychtujecca da vykanańnia bajavych zadač», — paviedamlaje Onet.
U tym liku stała viadoma, što rašeńnie ab stvareńni śpiecatrada było pryniata 16 lutaha na schodzie ŭ Kijevie, dzie prysutničali niekalki polskich dobraachvotnikaŭ razam ź nieviadomym hramadzianinam Polščy (jaki źjaŭlajecca stvaralnikam padraździaleńnia), a taksama načalnik štaba Ruskaha dobraachvotnickaha korpusa (RDK) i nienazvany pradstaŭnik Minabarony Ukrainy.
«Pieradača vajennych biletaŭ polskim bajcam užo moža adbycca na praciahu adnaho-dvuch tydniaŭ. Z palakami našmat lahčej, čym ź biełarusami ci rasijanami. Padraździaleńnie nie budzie ŭvachodzić u skład Internacyjanalnaha lehijona terytaryjalnaj abarony Ukrainy, u jakim da hetaha času polskija dobraachvotniki vajavali bok o bok z dobraachvotnikami ź inšych krain. Heta śpiecpadraździaleńnie budzie padparadkavana niepasredna Ministerstvu abarony Ukrainy», — raspavioŭ partału nienazvany pradstaŭnik Minabarony Ukrainy, jaki ŭdzielničaŭ u schodzie ŭ Kijevie.
Onet adznačaje, što polskaje padraździaleńnie budzie padobna na dobraachvotnickija farmiravańni biełarusaŭ i rasijan, jakija ŭžo vajujuć va Ukrainie. Akramia taho partał paviedamlaje, što ŭ najbližejšaj budučyni moža źjavicca takoje ž śpiecpadraździaleńnie z Hiermanii.
Čytajcie jašče:
«Fartecyja Bachmut i połk Kalinoŭskaha na jaje abaronie» FOTY
Brytanija vučyć ukraincaŭ vajavać pa «zachodniaj madeli»
Rasijskaha najomnika, jaki vystupaŭ z čerapam azoŭca, mahli zastrelić vahnieraŭcy. Vialiki skandał u Rasii
Kala 19 tysiač kamier płanujuć ustalavać kala minskich padjezdaŭ. Heta amal u 10 razoŭ bolš, čym ciapier3
Kamientary