Hramadstva44

Što Łukašenka moža «pradać» Kitaju i navošta Kitaj padtrymlivaje Rasiju

Z čym i pa što Łukašenka palacieŭ u Kitaj, a taksama pra «stratehičny kašmar» dla Kitaja ŭ efiry «Jeŭraradyjo» raspaviała palitołah Roza Turarbiekava.

Archiŭny zdymak

Turarbiekava źviartaje ŭvahu na toje, što vizit Łukašenki — nie raptoŭny, heta daŭno zapłanavanaja pajezdka, choć i «dosyć udała zapłanavanaja dla Łukašenki».

Turarbiekava kaža, što ciapier vidavočna, što ŭ Łukašenki isnuje niejkaja vusnaja damoŭlenaść z Kijevam. I niaŭdzieł biełaruskaj armii ŭ vajnie ŭžo pradajecca jak kapitał, u pieršuju čarhu, na źniešnim rynku, pryčym pradajecca nie tolki na zachad, ale i ŭ bok Kitaja.

Ciapier Biełaruś sprabuje prymać aktyŭny ŭdzieł u atrymańni vajennych zakazaŭ z boku Rasijskaj Fiederacyi. Pa zajavach Łukašenki vidać, što jon źbirajecca zarabić na vajenna-pramysłovym kompleksie, jon zajaŭlaŭ ab vytvorčaści snaradaŭ, BPŁA — Kitaj u hetym moža dapamahčy, u tym liku pastaŭkaj kamplektujučych, jakich nie chapaje Biełarusi ŭ suviazi z zachodnimi sankcyjami.

Z druhoha boku, tema supracoŭnictva Rasii i Kitaja — tema numar adzin u suśvietnaj presie. Zachodnija raźviedki adkryta kažuć, što padazrajuć Kitaj u hatoŭnaści pastaŭlać zbroju Rasii. Ale Kitaju važna nie patrapić pad zachodnija sankcyi.

«Ja schilnaja dumać, što Biełaruś moža razhladacca jak adzin z mahčymych abchodnych šlachoŭ. Biełaruś i Kitaj źbirajucca adzin adnamu dapamahać i ŭ hetym».

Turarbiekava źviartaje ŭvahu na toje, što Biełaruś nie trapiła ŭ dziasiaty pakiet sankcyj, dziakujučy pracy łabistaŭ.

Atrymlivajecca takaja šeraja zona, a dla Kitaja, pavodle jaje, šeryja zony — całkam znajomaja reč, miarkuje palitołah.

Tamu Biełaruś budzie «pradavać» Kitaju toje, što ŭžo jaki pakiet sankcyj Biełaruś «nie ŭ pakiecie z Rasijaj».

«Ja dumaju, što Łukašenka pasprabuje hetuju ideju pradać, što Biełaruś zjaŭlajecca aknom mahčymaściaŭ», — kaža jana.

Pavodle Turarbiekavaj, siońnia Kitaj razhladaje Biełaruś vyklučna ŭ kantekście adnosin z Rasijaj. Razhlad Biełarusi ŭ jakaści niezaležnaha subjekta dla Kitaja skončyŭsia ŭ dvaccatym hodzie, kali jana mahła razhladacca jak transpartny kalidor dla Kitaja ŭ ES u abychod Rasii. Ale pratesty 2020 hoda i Sajuznaja dziaržava, jakuju ciapier budujuć, faktyčna pastavili kryž na bačańni Biełarusi jak niezaležnaha aktara.

Biełaruś była cikavaja Kitaju jak niezaležny subjekt tolki z punktu hledžańnia transpartnaha kalidora ź Jeŭrapiejskim sajuzam, a ciapier Biełaruś cikavaja prosta jak častka stasunkaŭ z Rasijaj, miarkuje palitołah.

Navošta Kitaju dapamahać Rasii?

Kitajskaje kiraŭnictva, kitajskija ekśpierty razhladajuć adnosiny pamiž ZŠA, Rasijaj i Kitajem u ramkach stratehičnaha trykutnika, kaža palitołah.

Kitaju nie vyhadna, kab Rasija była nastolki asłablenaja, što Kitaj zastaniecca sam-nasam z ZŠA. Dla Kitaja heta zjaŭlajecca stratehičnym kašmaram, kaža jana. Padtrymlivajučy Rasiju, asłablajučy tym samym Złučanyja Štaty i jeŭrapiejskich sajuźnikaŭ, adnačasova pry słabiejučaj Rasii Kitaj stanovicca hałoŭnym bienieficyjaram situacyi.

Palitołah kaža, što Kitaj byŭ napałochany 24 lutaha, i, samaje hałoŭnaje, napałochany tym, što Rasija apynułasia nie nastolki mahutnaj, kab vyrašyć svaje zadačy ŭ vajnie.

Dla Kitaja stała realnaj pahroza pašyreńnia NATA na ŭschod, u tym liku, i z punktu hledžańnia jadziernaj biaśpieki.

«Dla Kitaja vielmi vialikaje pytańnie i palityčnaja budučynia Rasii. Kali vajna skončycca poŭnaj parazaj Rasii i prychodam da ŭłady ŭ Maskvie prazachodniaha ŭrada abo ŭrada, jaki pojdzie na zhodu z Zachadam u mnohich pytańniach. Voś heta dla ich zjaŭlajecca samym sapraŭdnym stratehičnym kašmaram», — tłumačyć palitołah.

Kamientary4

  • Kitaj našie VSIO
    28.02.2023
    Očieriednoj, bolšoj, siemiejnyj kontrabas v vidie siemiejnoho  schiematoza....vot i vieś intieries s oboich storon. Dla stavleńnika Kitajskoj Ordy v vidie biełorusskoho ułusa dalekovato, da i rośsijskij kniaziok nie pozvolit. A vot pokontrabasiť i poschiematoziť - SAMOJE TO !, vsie dovolny i na vsie koncy...
  • Gypsy Moth
    28.02.2023
    O, kartinu vtiuchivajet,..iskusstvovied. :) A vodku "Priezidient" užie iskušali na niet ?! Čiot nie vidno žiemčužiny priezidientskoho podaročnoho komplekta.
  • Josik
    28.02.2023
    A čamu nie razhladajecca inšy varyjant? Łukašenku budzie rastłumačana, što prajekt JAdvabny šlach' pad pahrozaj, nie chapała, kab šče Polšča dy Litva spynili čuhunačnyja pierachody na svaich miežach, što heta vialikija finansavyja straty. Zajaŭlenaja sustreča z najbujniejšymi biźniesoŭcami dy ŭłaśnikami karparacyj na samoj spravie adłup sipataha tavaryša, bo vialikija hrošy vylatajuć u trubu. Čuŭ, što Chuavej razhladaje sychod ź Biełarusi, a jany miž tym abstalavańnie dla MTS stavili. I nie dumaju, što kitajca takija durnyja, kab niešta dla Rasiei praź Biełaruś pastaŭlać. Adno zakleić nazvu Lenovo na Intehrał, a drukoje zbroja dy ŭzbrajeńnie.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Śpiavačku Meryjem Hierasimienka na praciahu dvuch hadoŭ źbivaŭ muž18

Śpiavačku Meryjem Hierasimienka na praciahu dvuch hadoŭ źbivaŭ muž

Usie naviny →
Usie naviny

«Horad pracoŭnaj słavy 1941—1945». U Baranavičach adkryli manumient ź dziŭnaj nazvaj9

U Biełarusi i Rasii raspracujuć štučny intelekt z tradycyjnymi kaštoŭnaściami4

Asudzili za «sadziejańnie ekstremizmu» byłoha dyrektara škoły

Vučonyja znajšli ahromnistaje radovišča zołata, jakoje źmiaščaje 99,999% usiaho zołata płaniety8

U Polščy adbyłosia DTZ z aŭtobusam, poŭnym biełarusaŭ2

Makron zajaviŭ pra hatoŭnaść adpravić va Ukrainu 50 tysiač vajskoŭcaŭ5

U Navahrudku padpisali damovu ab stvareńni Biełaruskaha muzieja Chałakostu4

Zastreleny ŭ Kijevie pałkoŭnik SBU kiravaŭ hrupaj, jakaja likvidavała «Matarołu»1

Kanapackaja jedzie ŭ Litvu na aŭtobusie padavać zajavu ŭ Departamient dziaržbiaśpieki FOTAFAKT68

bolš čytanych navin
bolš łajkanych navin

Śpiavačku Meryjem Hierasimienka na praciahu dvuch hadoŭ źbivaŭ muž18

Śpiavačku Meryjem Hierasimienka na praciahu dvuch hadoŭ źbivaŭ muž

Hałoŭnaje
Usie naviny →

Zaŭvaha:

 

 

 

 

Zakryć Paviedamić