Zialenski adkazaŭ na pietycyju ab pierajmienavańni Rasii ŭ Maskoviju
Prezident Ukrainy Uładzimir Zialenski razhledzieŭ elektronnuju pietycyju, aŭtar jakoj prapanuje aficyjna źmianić nazvu «Rasija» na «Maskovija», terminy «rasijski» na «maskoŭski», a «Rasijskaja Fiederacyja» — na «Maskoŭskaja Fiederacyja».
Aŭtar pietycyi, jakaja nabrała bolš za 25 tysiač podpisaŭ, ukazvaje, što «histaryčnaj nazvaj Rasii zjaŭlajecca Maskovija».
«Heta nazva ŭžyvałasia ŭ jeŭrapiejskich i ŭ niekatorych azijackich movach. Na mnohich histaryčnych kartach XVI—XIX stst., jakija vyrablalisia ŭ Jeŭropie da i paśla pierajmienavańnia Maskoŭskaha carstva va Usierasijskuju impieryju, taksama fihuruje heta nazva», — havorycca ŭ pietycyi.
Aŭtar zvarotu adznačaje, što «Rasija isnuje tolki 301 hod» — z 22 kastryčnika 1721 hoda, kali maskoŭski car Piotr I abviaściŭ Maskoŭskaje carstva «Rasijskaj impieryjaj».
U svaim adkazie Uładzimir Zialenski ŭkazaŭ, što «zakranutaje ŭ pietycyi pytańnie patrabuje ŭvažlivaj prapracoŭki jak u płoskaści historyka-kulturnaha kantekstu, tak i ŭličvajučy mahčymyja mižnarodna-pravavyja nastupstvy».
Zialenski taksama paviedamiŭ, što źviarnuŭsia da premjer-ministra Dzianisa Šmyhala z prośbaj razam z navukovymi ŭstanovami kompleksna prapracavać hetaje pytańnie.
Z takoj prapanovaj raniej vystupaŭ ambasadar Ukrainy ŭ AAN Siarhiej Kiślica, jaki ličyć, što Ukraina moža pryniać zakon, pa jakim budzie nazyvać Rasiju Maskovijaj.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j10
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary