«Pad uražańniem ad pačutaha ja prosta mientalna sarvałasia». Ukrainskaja tenisistka nie vyjšła na matč suprać Aryny Sabalenka
Lesia Curenka prakamientavała admovu ad matča suprać biełaruski Aryny Sabalenka ŭ trecim kruzie turniru ŭ Indyjan-Uełsie, piša «Trybuna».
«Pryčynaj admovy stała paničnaja ataka. Aficyjna buduć napisany «asabistyja pryčyny», ale faktyčna heta prablemy z dychańniem i, možna skazać, isteryka», — skazała Curenka.
Jana raspaviała, što niekalki dzion tamu mieła razmovu z SEO Žanočaj tenisnaj asacyjacyi Styvam Sajmanam i była całkam šakavanaja tym, što pačuła. «Pad uražańniem ad usiaho hetaha ja prosta mientalna sarvałasia, ščyra kažučy», — skazała jana.
«Jon skazaŭ mnie, što vajnu nie padtrymlivaje, ale kali hulcy z Rasii i Biełarusi jaje padtrymlivajuć, to heta tolki ich ułasnaje mierkavańnie, i jano nie pavinna mianie zasmučać. <…>
Akramia taho, jon vykazaŭ upeŭnienaść, što rasijanie i biełarusy viernucca na Alimpijadu, i skazaŭ, što heta adbudziecca mienavita tak, jak adbyvajecca ciapier u tenisie. Taksama jon skazaŭ, što «fejr-płej» i alimpijskija pryncypy nie parušanyja, a jakraz naadvarot. <…>
Ja była zusim šakavanaja hetaj hutarkaj, i ŭžo ŭ minułaj hulni było nievierahodna składana hulać, składana sabracca i siońnia. U mianie pačałasia paničnaja ataka, ja prosta nie zmahła tudy vyjści».
Zatrymany ŭ Polščy biełaruski taksist-špijon byŭ siabram «Paspalitaha rušeńnia»14
Zatrymany ŭ Polščy biełaruski taksist-špijon byŭ siabram «Paspalitaha rušeńnia»
Rasijskija i łukašenkaŭskija śpiecsłužby na fonie zalotu dronaŭ u Polšču praviali infaataku. Jaje zładžanaść daje padstavy dumać, što zalot byŭ spłanavany1515
Kamientary