U kramach handlovaj sietki «Susiedzi» pačali pradavać znakamityja prysmaki šakocis, zaniesienyja ŭ nacyjanalny fond litoŭskaj kuchni. Hety raspaŭsiudžany ŭ Litvie, ale nie nadta viadomy ŭ Biełarusi tort zaŭvažyli «Mahiloŭ.Media» ŭ adnoj z mahiloŭskich kram sietki.
Mučnaja słodyč šakocis u sietcy kram «Susiedzi» pradajecca, praŭda, nie całkam, a ŭ jakaści naboru z šaści-siami kavałačkaŭ torta, spakavanych u adnarazovyja płastykavyja kantejniery. Pry hetym jany nie zavoziacca ź Litvy, a vypiakajucca va ŭłasnych piakarniach handlovaj sietki. U litoŭskich kramach šakocisy zvyčajna pradajucca nie kavałačkami, a całkam.
Šakocis — tradycyjny litoŭski tort niezvyčajnaj formy ź jaječnaha ciesta, vypiečany na adkrytym ahni. U pierakładzie ź litoŭskaj «šakocis» aznačaje «halinisty», bo mučnaja słodyč nahadvaje dreva. Niezvyčajny prysmak navat zaniesieny ŭ Litoŭski nacyjanalny fond kulinarnaj spadčyny.
Darečy, anałahičnaja kulinarnaja tradycyja, choć šyroka ŭ nas i nie raspaŭsiudžanaja, usio ž była zafiksavanaja biełaruskimi etnohrafami i ŭ zachodniebiełaruskim Porazavie. Tam taki tort nazyvajuć bankuchaj, i jon taksama pryznany historyka-kulturnaj kaštoŭnaściu.
Čytajcie taksama:
Litoŭskija kuchary adradžajuć nacyjanalnyja stravy
Historyka-kulturnaj kaštoŭnaściu Biełarusi pryznali piroh «bankucha» z Porazava. Što heta takoje?
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary