Śledam za šakaładam Ritter Sport u biełaruskija kramy viarnulisia Merci i Toffifee
U biełaruskija kramy viarnulisia niamieckija šakaładki Merci i cukierki Toffifee, zaŭvažyli žurnalisty vydańnia Onliner. A z pačatku hetaha hoda na palicach znoŭ možna było ŭbačyć niamieckija šakaładki Ritter Sport.
Z 1 studzienia 2022 hoda častka jeŭrapiejskich tavaraŭ apynułasia pad zabaronaj (ale z mahčymaściu vydzialeńnia kvot dla ŭvozu), u tym liku šakaład, roznyja cukierki i žałacinki. U kramach paśla taho raspradavali tolki reštki raniej zaviezienych tavaraŭ, a ciapier, miarkujučy pa terminach prydatnaści, padvieźli novyja partyi.
Adnosna pastavak Ritter Sport raniej pravioŭ rasśledavańnie Biełaruski rasśledavalnicki centr. Pa jaho vynikach vyśvietliłasia, što faktyčnaj kantrabandaj hetaha tavaru zajmajecca praz pasrednikaŭ kampanija Siarhieja Ciacieryna «BiełHłobałHarant». Viadoma, što Ciacieryn — asoba, nabližanaja da samoha Łukašenki, niadaŭna jany navat razam padčas vizitu ŭ AAE pili harełku na kamieru za pieramohu na Australian Open praŭładnaj tenisistki Aryny Sabalenki, a pierad tym sumiesna siekli drovy.
Možna mierkavać, što hetyja samyja ci padobnyja schiemy prymianiajucca i pry zavozie ŭ Biełaruś inšych niamieckich brendaŭ.
Ciapier čytajuć
«Stajać na svaim, kožny nakolki moža!» Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii13
Kamientary