Adzin tolki HUBAZiK štodnia pravodzić da 20 vobšukaŭ u biełarusaŭ
Supracoŭniki milicyi praciahvajuć kompleksnuju adpracoŭku asob, jakija padtrymlivajuć «antydziaržaŭnyja pohlady», paviedamiła 17 sakavika pres-słužba MUS.
Paviedamlajecca, što pad «pilnaj uvahaj» znachodziacca nie tolki tyja, chto vajuje va Ukrainie, ale i ich svajaki i znajomyja: praviarajecca infarmacyja ab dapamozie «ekstremisckim arhanizacyjam i bandfarmiravańniam».
Štodnia supracoŭniki HUBAZiKa pravodziać da 20 pieratrusaŭ.
Zaznačajecca, što ŭ prafiłaktyčnuju rabotu pa hetym napramku aktyŭna ŭklučany ŭčastkovyja inśpiektary milicyi.
Pavodle pres-słužby MUS, pry vyjaŭleńni supraćpraŭnaj dziejnaści «idzie nieadkładnaje reahavańnie». Tak, tolki za apošni tydzień da administracyjnaj adkaznaści pryciahnuta kala 100 čałaviek, pa vynikach pracy ŭčastkovych inśpiektaraŭ zaviedziena bolš za 20 kryminalnych spraŭ u dačynieńni da asob, jakija ŭčynili złačynstvy «ekstremisckaj nakiravanaści».
Ciapier čytajuć
U Varšavu pryjechała sotnia biełaruskich palitviaźniaŭ15
Kamientary