Hramadstva1111

Błohier Kabanaŭ, jaki siadzieŭ u navapołackaj kałonii, pra toje, čamu viaźni nie vytrymlivajuć umoŭ tam

Navapołackaja kałonija ličycca adnoj z najhoršych pa ŭmovach. Pra toje, jak tam siadziać palitviaźni, raniej u intervju «Tok» raspaviadaŭ błohier Alaksandr Kabanaŭ, jaki ŭ niavoli parezaŭ sabie ruki.

Skrynšot videa «Tok»

Siońnia stała viadoma, što ŭ navapołackaj kałonii ździejśniŭ sprobu suicydu Ihar Łosik. U ŠIZA jon doŭhi čas trymaŭ haładoŭku, a paśla parezaŭ sabie ruki i šyju, paviedamlajuć pravaabaroncy. Ihara vyratavali i adpravili ŭ miedsančaść.

Alaksandr Kabanaŭ, jaki vyzvaliŭsia adtul u śniežni 2022-ha, paćviardžaje ahulnaje mierkavańnie ab tym, što navapołackaja kałonija źjaŭlajecca samaj žorstkaj. Hałoŭnaja pryčyna, pa słovach błohiera, — načalnik kałonii Andrej Palčyk.

«Načalnik na vačach padnačalenych źbivaje ludziej, ździekujecca ź ich. Pry hetym, dumaju, jon atrymlivaje ad svaich dziejańniaŭ asałodu. Heta bačna pa jaho tvary», — kazaŭ błohier.

Alaksandr Kabanaŭ u kałonii rezaŭ ruki. Hetym, jak jon adznačaje, tam nikoha nie ździviš.

«Ruki — heta samaje małoje. Jość tyja, u kaho parezanyja žyvaty, šyi. Niekatoryja hłytajuć ćviki, lazo, škło».

Kabanaŭ pajšoŭ na taki krok u niervovym uzbudžeńni. «Rezaŭ ruki, jak sała», — kazaŭ jon. Mužčynu było strašna nie tamu, što budzie baluča, a tamu, što «ty razumieješ, što heta tvoj apošni varyjant».

Alaksandr u toj čas znachodziŭsia ŭ kamiery-chaładzilniku. Jamu dali 10 sutak. Ad znachodžańnia ŭ joj na druhija sutki błohier pačaŭ razumieć, što ź jaho psichikaj adbyvajucca pracesy, jakija mohuć być niezvarotnymi.

«Uvieś čas choładna, ty nie śpiš, uvieś čas ruchaješsia. Ni z kim nie kamunikuješ. Vakoł plitka. Vokny adčynienyja, vientylacyja taksama. Adzinaja mahčymaść sahrecca — heta tady, kali na śniadanak i viačeru tabie dajuć haračy čaj. Čakańnie nočy — samaje strašnaje. Arhanizm pryvyk u hety čas spać. Ale ty spać nie možaš. I niejak treba pratrymacca. Spačatku dumaješ, što pratrymaješsia. Ale ŭ niejki dzień razumieješ, što bolš nie vytrymaješ».

Kali Alaksandra Kabanava dastavili ŭ špital, to ŭ pryjomnym pakoi dziažurny doktar zajaviła: «Navošta vy jaho nam pryvieźli? Chaj by tam padychaŭ. Nam tolki rabotu padkidvajuć. Šyć ich jašče».

Kali błohiera zabrali ŭ kabiniet da doktara i pačali zašyvać, to adzin z troch achoŭnikaŭ straciŭ prytomnaść, bo byli źniatyja paviazki, kroŭ pačała sačycca.

Paśla da Kabanava pryjšła žančyna-psichołah. Jon raspavioŭ pra pryčyny ŭčynku. Miedsiastra ad pačutaha pačała płakać. Padčas nakładańnia švoŭ jana ŭvieś čas płakała i prasiła nie rabić bolš z saboju takoha. Daktary taksama havaryli, kab nie rabiŭ bolš takoha, bo heta moža mieć roznyja nastupstvy dla zdaroŭja.

Alaksandr z humaram vykazaŭ prapanovu zdavać balnicy, jakija isnujuć pry kałonijach, zamiežnikam. Tam lečać tak zvanaj «kramloŭskaj tabletkaj» — amieprazołam. Z čym by čałaviek nie źviarnuŭsia, jamu prapanoŭvajuć jaje. Kali ty sprabuješ «kačać pravy», to ty akazvaješsia ŭ SIZA.

U navapołackaj kałonii ciapier siadzić taksama Viktar Babaryka.

Hladzicie całkam:

Kamientary11

  • daviedka
    20.03.2023
    Ja stałkivałsia so słučajem, kohda mołodoj sidielec leźvijem ili čiem-to podobnym rascarapał siebie lico.
  • rom
    20.03.2023
    [Red. vydalena]
  • sała ducha
    20.03.2023
    "U navapołackaj kałonii ciapier siadzić taksama Viktar Babaryka."
    batony piače? i što?
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Kiraŭnik Lidy zaklikaŭ siłavikoŭ nie spyniać palityčnych represij28

Kiraŭnik Lidy zaklikaŭ siłavikoŭ nie spyniać palityčnych represij

Usie naviny →
Usie naviny

Pad Minskam učora bačyli śmierč

Čas dla vialikaha nastupu Rasii: jakimi mohuć być «apošnija 50 dzion vajny»3

Aŭtobus Minsk — Vilnia źjechaŭ u kiuviet u Vałožynskim rajonie

Dla haradžan — pieramoha, dla viaskoŭcaŭ — trahiedyja. Što pakazała dziaržaŭnaje apytańnie pra Druhuju suśvietnuju vajnu24

Achova i dziasiatki ludziej u kamandzie: za što žyvie Ofis Cichanoŭskaj u Vilni?49

Užo ŭ adzinaccać hadoŭ? Va ŭsim śviecie ŭzrost pačatku pieršych miesiačnych praciahvaje maładzieć7

Źjaviłasia niečakanaja viersija pryčyny źniknieńnia Mielnikavaj, jakaja «šmat što tłumačyć»37

Šmatdzietnaja amierykanskaja siamja ŭciakła ŭ Rasiju ad «ŁHBT-prapahandy». Muž užo trapiŭ na vajnu18

«Takoha jašče nie było». Adbyłasia masiravanaja ataka na Kryvy Roh, Vińnicu, Charkaŭ3

bolš čytanych navin
bolš łajkanych navin

Kiraŭnik Lidy zaklikaŭ siłavikoŭ nie spyniać palityčnych represij28

Kiraŭnik Lidy zaklikaŭ siłavikoŭ nie spyniać palityčnych represij

Hałoŭnaje
Usie naviny →

Zaŭvaha:

 

 

 

 

Zakryć Paviedamić