U Rasii supracoŭnik FSB zrazumieŭ siabie i pamianiaŭ poł. Pačałosia ckavańnie, ale znajšoŭsia svojeasablivy adkaz
Hierainia hetaj historyi jašče zusim niadaŭna była mužčynam, jaki słužyŭ u Fiederalnaj słužbie biaśpieki, dzie adkazvaŭ za «infarmacyjnuju biaśpieku».
Apošnim miescam słužby Alaksandra była armiana-tureckaja miaža. Sam jon rodam z Čyty. Vychavańniem zajmałasia maci. Jak adznačaŭ sam Čumakoŭ u adnym z intervju, jašče ŭ dziacinstvie jon prajaŭlaŭ cikaŭnaść da ŭsiaho taho, što padabajecca dziaŭčatkam. Ros jon «maniernym» chłopčykam.
Maci chacieła ŭ synie bačyć sapraŭdnaha mužčynu i addała ŭ kadecki kłas, ale z-za kanfliktaŭ z adnakłaśnikami chłopiec vymušany byŭ jaho pakinuć za niekalki miesiacaŭ da ekzamienaŭ.
Paśla škoły była vučoba ŭ instytucie pahraničnaj słužby ŭ Chabaraŭsku. Tam prablem va ŭzajemaadnosinach nie było.
U toj čas chłopiec daviedaŭsia pra hiendarnuju dysfunkcyju i zrazumieŭ, što heta adnosicca i da jaho. Adnak spačatku jon praciahvaŭ žyć svaim zvyčajnym žyćciom. Paśla zakančeńnia vučoby jon pačaŭ słužbu ŭ Paŭnočnaj Asiecii. Ažaniŭsia. Naradziŭsia syn. Adnak siamiejnaje žyćcio nie skłałasia. A ŭ kastryčniku 2020 hoda Čumakoŭ pačaŭ harmanalnuju terapiju. U kancy taho ž hoda jon byŭ vymušany zvolnicca sa słužby. Pierajechaŭ u Maskvu i staŭ pracavać vizažystam.
U minułym hodzie były kapitan Alaksandr Čumakoŭ ździejśniŭ transhiendarny pierachod. U vyniku jon staŭ Kaciarynaj Majers.
Za try miesiacy było zroblena dziesiać apieracyj, što źjaŭlajecca vielmi chutkim dla takich vypadkaŭ. Akramia karektavańnia połu, źmieny zakranuli tvar i hołas. Spačatku ciapier užo dziaŭčyna pracavała ŭ stryptyz-kłubie, ale praź niekatory čas była zvolnienaja jak «niefarmat». Tady Majers stała zarablać videatranślacyjami.
Dalejšuju historyju Kaciaryna Majers raskazała internet-vydańniu «Viorstka».
Majers pad psieŭdanimam pracavała na amierykanski resurs, jaki aryjentavany na anhłamoŭnuju aŭdytoryju. Dostup da kantentu adbyvajecca tolki praz padpisku. Pry hetym sajt nie dazvalaje rabić skrynšoty ci pampavać videa.
Adnak u lutym hetaha hoda papularny rasijski resurs «Dvač» apublikavaŭ skrynšoty eratyčnaha videa z udziełam Kaciaryny. Adrazu paśla publikacyi dziaŭčyna stała atrymlivać u svaje akaŭnty ŭ sacsietkach paviedamleńni ad ananimnych karystalnikaŭ z abrazami.
Spačatku Kaciaryna źviazałasia z administrataram sajta i paprasiła prybrać zdymki, bo jany abražajuć jaje honar i hodnaść, a taksama parušajuć zakon ab aŭtarskim pravie. Ale joj u vielmi niavietlivaj formie admovili.
Tady Kaciaryna vyrašyła źviarnucca ŭ milicyju, prakuraturu i Raskamnahlad z abvinavačańniem «Dvača» ŭ parušeńni zakona ab zabaronie raspaŭsiudžvańnia parnahrafii i prapahandy ŁHBT.
Atrymlivajecca, što Kaciaryna, źjaŭlajučysia pradstaŭnicaj ŁHBT (apošniaja litara abrevijatury aznačaje «transhiendary») sprabuje vykarystać zakon, nakiravany suprać takich, jak jana, ludziej, z metaj abarony svaich pravoŭ u kanflikcie z sajtam.
Adznačym, što z 5 śniežnia 2022 hoda ŭ Rasii poŭnaściu zabaroniena raspaŭsiudžvańnie materyjałaŭ, jakija prapahandujuć nietradycyjnyja seksualnyja adnosiny, piedafiliju i źmienu połu. Za parušeńnie praduhledžanyja bujnyja štrafy.
Čytajcie jašče:
Pucin padpisaŭ zakon ab poŭnaj zabaronie prapahandy ŁHBT u Rasii
Kačanava: Treba prymać zakon suprać ŁHBT, bo ŭ nas tradycyi, pravasłaŭje i Maskva
Ciapier čytajuć
Vialikaja hutarka z Franakam Viačorkam — pra kruhły stoł z Łukašenkam, pamyłki, chejtaraŭ i hałoŭnaje dasiahnieńnie3
Kamientary