U Oršy za niekalki dzion zatrymali i asudzili kala dziasiatka čałaviek
Ciaham niekalkich dzion zapar aršanskaja milicyja pravodziła pieratrusy i zatrymlivała ludziej za pasty ŭ sacyjalnych sietkach.
U vyniku rejdu jany złavili jak minimum 12 čałaviek u Oršy, i adnaho žychara Sianna. Usim zatrymanym mužčynam aršanskija sudździ pryznačyli pakarańnie ŭ vyhladzie administracyjnaha aryštu ad 10 da 15 sutak, a kožnuju žančynu štrafavali adnolkava na 1850 rubloŭ, paviedamlaje «Viciebskaja viasna».
Viadoma, što pieršym, chto trapiŭ pad represii, byŭ aršaniec, siabra arhkamiteta pa stvareńni sacyjał-demakratyčnaj partyi «Hramada» Alaksandr Školnikaŭ.
Paźniej źjaviłasia infarmacyja pra zatrymańnie i pieratrus u jaho kvatery. Alaksandr — invalid pa zroku, adnak da suda milicyjanty adpravili jaho ŭ izalatar časovaha ŭtrymańnia.
Sud aryštavaŭ Školnikava minimum na 10 sutak.
Žurnalist Mancevič, błohiery Kazłoŭ i Vinahradaŭ, palityk Kučuk. paplečniki Aŭtuchoviča i Statkieviča. Chto jašče z palitviaźniaŭ vyzvaliŭsia siońnia?22
Kamientary