Žurnalista Hienadzia Mažejku asudzili da 3 hadoŭ pazbaŭleńnia voli. Materyjały ab abrazie Łukašenki vyłučyli ŭ asobnuju spravu
Siońnia Minski haradski sud vynies pryhavor žurnalistu «Kamsamolskaj praŭdy» Hienadziu Mažejku. Jon asudžany na try hady źniavoleńnia. Materyjały ab abrazie Łukašenki vyłučyli ŭ asobnuju spravu.
Hienadź Mažejka byŭ zatrymany amal paŭtara hoda tamu, 1 kastryčnika 2021 hoda, u Maskvie, kali sprabavaŭ vyjechać u treciuju krainu.
Jon byŭ aŭtaram materyjału, u jakim stanoŭča havorycca pra Andreja Zielcera ŭ dziacinstvie. Zielcer padčas šturmu jaho kvatery zabiŭ supracoŭnika KDB Dźmitryja Fiedasiuka. Sajt «Kamsamolskaj praŭdy» paśla hetaha byŭ zabłakavany, taksama było pryniataje rašeńnie pra zakryćcio ofisa vydańnia.
U dačynieńni da Mažejki byli prymienienyja dva artykuły: č. 1 art. 130 (raspalvańnie sacyjalnaj varožaści) i č. 1 art. 368 KK (abraza Łukašenki).
U abvinavačvańni śćviardžałasia, što «Mažejka, prajaŭlajučy amaralnuju zacikaŭlenaść u ekstremisckaj dziejnaści, źjaŭlajučysia jaje prychilnikam i dziejničajučy pa matyvach palityčnaj i ideałahičnaj varožaści, u pieryjad z 23 červienia 2020 hoda pa kastryčnik 2021 hoda ździejśniŭ šerah złačynstvaŭ».
Pavodle śledstva, jon nibyta pisaŭ u internecie «niehatyŭnyja, nieprystojnyja i niedapuščalnyja» vykazvańni ŭ adras Łukašenki, a na sustrečy z deputatam Varanieckim, «parušajučy ahulnačałaviečuju maral», pravodziŭ ahitacyju suprać dziejnaj ułady.
Žurnalist vinu nie pryznaŭ i zajaviŭ, što na toj sustrečy pra Łukašenku vykazvaŭsia nie jon. U adras ułady nijakich abraźlivych vyrazaŭ jon nie dapuskaŭ i prychilnikam apazicyi nie źjaŭlajecca. Toje ž samaje zajaŭlali śviedki.
Prysud u try hady kałonii siońnia vyniesła sudździa Taćciana Falkoŭskaja. U asobnuju kryminalnuju spravu vydzielenyja materyjały pa epizodzie nibyta abrazy Łukašenki ad 3 vieraśnia 2020 hoda ŭ chodzie praviadzieńnia sustrečy z deputatam Pałaty Pradstaŭnikoŭ Nacyjanalnaha schodu Biełarusi Varanieckim u pamiaškańni Minskaha haradskoha Pałaca kultury, paviedamiła sudździa.
Try hady kałonii siońnia prysudzili i byłomu kiraŭniku łukašenkaŭskaha pułu presy Dźmitryju Siemčanku.
-
Zaviaščaŭ Karynie Šulak 50 miljonaŭ, a jaje baćka lotaŭ ź im na viertalocie za miesiac da aryštu. Što jašče stała viadoma z fajłaŭ Epštejna
-
Łukašenka paabiacaŭ dapamahčy prezidentu Brazilii ź pieraabrańniem. Chaj toj tolki paprosić
-
Byłoha namieśnika staršyni BNF Anatola Fiodarava raźbiŭ insult prosta padčas strymu Piatruchina
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB23
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ33
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ3
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3030
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»30
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Kamientary