Biełaruskaja IT-śfiera praciahvaje stračvać štomiesiac bolš čym pa 800 čałaviek
U pieršyja dva miesiacy 2023 hoda ŭ biełaruskim IT praciahvajecca tendencyja adtoku śpiecyjalistaŭ, jakaja nazirałasia amal uvieś 2022 hod. Za studzień i luty, pavodle aficyjnaj statystyki, z kampanij siektara «Infarmacyja i suviaź» zvolnilisia 3423 čałavieki. Čysty adtok kadraŭ ź biełaruskaha IT u 2023 hodzie — 800+ čałaviek na miesiac, piša Office Life.
Adnačasova za studzień i luty 2023 hoda pry zvolnienych 3423 supracoŭnikach było pryniata na pracu ŭ IT-siektary ŭsiaho 1737 śpiecyjalistaŭ. Na dadatkova stvoranyja pracoŭnyja miescy pracaŭładkavana za dva miesiacy 226 čałaviek.
Takim čynam, čysty adtok kadraŭ ź biełaruskaha IT u studzieni skłaŭ 847 čałaviek, u lutym — 839 čałaviek. Za dva miesiacy — minus 1 686 rabotnikaŭ.
Dla paraŭnańnia: za studzień-luty 2022 hoda ŭ Biełarusi ŭ siektary «Infarmacyja i suviaź» było pryniata na pracu 3483 čałavieki, zvolniena — tolki 2967 čałaviek. Heta značyć, jašče hod tamu byŭ čysty prytok kadraŭ u ajcišku, ale tendencyja kardynalna źmianiłasia paśla 24 lutaha minułaha hoda.
Za ŭvieś minuły hod čysty adtok śpiecyjalistaŭ z kampanij siektara «Infarmacyja i suviaź» u Biełarusi skłaŭ kala 17 tys. čałaviek.
Ciapier čytajuć
Bieśpiłotnik, jaki ŭpaŭ u Minsku, prylacieŭ z boku Barysava — šmatlikija śviedčańni2
Kamientary