U zaaparku Niurnbierha zastrelili 12 babuinaŭ. Dla ich nie chapała miesca
U zaaparku niamieckaha horada Niurnbierh adstrelili 12 zdarovych babuinaŭ z-za taho, što dla ich nie chapała miesca, paviedamlaje Euronews. Pa słovach pradstaŭnikoŭ zaaparka, kolkaść babuinaŭ vyrasła da 43 asobin, choć pieršapačatkova ŭ valjery, adkrytym u 2009 hodzie, mierkavałasia trymać tolki 25. Z-za pieranasielenaści pamiž žyviołami pačali ŭźnikać kanflikty.
Administracyja zaaparka paćvierdziła, što pryniała rašeńnie pra adstreł jašče ŭ 2024 hodzie i sprabavała znajści novyja miescy dla častki babuinaŭ, ale ŭsie sproby nie dali vynikaŭ. Abaroncy žyvioł aktyŭna pratestavali, ale nie zmahli pieraškodzić vykanańniu rašeńnia.
U dzień adstrełu zaapark byŭ zakryty, a niekalki aktyvistaŭ pranikli na terytoryju i byli zatrymanyja palicyjaj. Pradstaŭnik zaaparka paviedamiŭ, što nivodnaja z zastrelenych žyvioł nie była ciažarnaj abo ŭdzielničała ŭ daśledavańniach. Ich cieły buduć vykarystanyja jak korm dla drapiežnikaŭ.
Dyrektar zaaparka adznačyŭ, što rašeńnie prymałasia doŭhi čas i było nieabchodnym dla padtrymańnia zdarovaj papulacyi. Raniej častku babuinaŭ pieradavali ŭ inšyja zaaparki, ale ciapier varyjantaŭ bolš nie zastałosia. Kantracepcyju taksama sprabavali, ale jana nie spracavała.
Abaroncy žyvioł padali skarhu, śćviardžajučy, što hetaje rašeńnie parušaje zakony ab achovie žyvioł. Na ich dumku, śmierci možna było paźbiehnuć. Hety vypadak vyklikaŭ šyroki rozhałas, jak i padobnyja situacyi ŭ inšych jeŭrapiejskich zaaparkach.
Staŭ viadomy los źbiehłych dzikabrazaŭ u Rečyckim rajonie
Z tureckaha zaaparku ŭciok leŭ i napaŭ na čałavieka
U Hrodnie źjavicca ekzatyčnaja para Ryčarda i Džulii. Jany buduć razam jeści myšej
U Hrodzienskim zaaparku lisa-babula stała mamaj dla małych lisianiat VIDEA
U Aŭstralii źniali, jak samiec kaały płača nad pamierłaj siabroŭkaj VIDEA
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary
12 babuinov.???.
Tam v Hiermanii ich kak minimum sotni tysiač .