Pa vynikach pravierki repietytarskaha centra «100 bałaŭ» zaviali šeść kryminalnych spraŭ
Departamient finansavych rasśledavańniaŭ Kamiteta dziaržkantrolu pravioŭ pravierku filijałaŭ repietytarskich centraŭ «100 bałaŭ» i pa ich vynikach zavioŭ 6 kryminalnych spraŭ, paviedamiła pres-słužba viedamstva.
U pres-relizie adznačajecca, što finansavaj milicyjaj była «spyniena supraćpraŭnaja dziejnaść» pa ŭchileńni ad vypłaty padatkaŭ i abaviazkovych płaciažoŭ zasnavalnikaŭ repietytarskich centraŭ Jaŭhiena Livianta i Alaksieja Ivanova. Abodva byli zatrymanyja ŭ pačatku hoda za ŭdzieł u pratestach 2020 hoda.
Pa infarmacyi KDK, Liviant, Ivanoŭ i jašče šeść čałaviek z 2012 hoda zarehistravali piać jurydyčnych asob pad ahulnym brendam «100 bałaŭ», ofisy jakich byli adkrytyja ŭ Minsku, Viciebsku, Hrodnie, Mahilovie, Połacku, Oršy, Baranavičach dla akazańnia navučencam repietytarskich pasłuh pa ŭsim śpiektry školnaj prahramy.
Bolšaść z pryciahnutych repietytaraŭ, jak śćviardžajecca, z metaj minimizacyi padatkaŭ rehistravali ŭ jakaści indyvidualnych pradprymalnikaŭ, choć pry hetym usia dziejnaść pa akazańni repietytarskich pasłuh ažyćciaŭlałasia niepasredna repietytarskimi centrami «100 bałaŭ». Taksama baćki płacili na adras repietytarskich centraŭ za akazanyja pasłuhi.
«Takim čynam vykładčyki — indyvidualnyja pradprymalniki faktyčna źjaŭlalisia rabotnikami repietytarskich centraŭ. Rehistracyja ich u jakaści IP dazvoliła repietytarskim centram vykarystoŭvać złačynnuju schiemu ŭchileńnia ad vypłaty padatkaŭ», — śćviardžaje viedamstva.
U viedamstvie taksama padkreślili, što ŭ centrach «100 bałaŭ» nibyta faktyčna vykarystoŭvałasia schiema vypłaty zarobku «ŭ kanviercie».
Pa kryminalnaj spravie praviali 23 pieratrusy ŭ Minskaj, Viciebskaj, Hrodzienskaj, Mahiloŭskaj i Bresckaj abłaściach. «Padazravanyja ŭ dobraachvotnym paradku vypłačvajuć pryčynienuju dziaržavie škodu, ciapier u biudžet pastupiła bolš za 630 tysiač rubloŭ», — paviedamili ŭ KDK.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»22
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary