Ukraina adnaŭlaje ekspart elektraenierhii, paviedamiŭ u piatnicu ministr enierhietyki Ukrainy Hierman Hałuščanka. Adnačasova byŭ padpisany rasparadčy dakumient, jaki dazvalaje pačać praces adnaŭleńnia ekspartu elektraenierhii.
«Ukrainskaja enierhasistema ŭžo amal dva miesiacy pracuje biez abmiežavańniaŭ spažyŭcoŭ z zapasam mahutnaści. Hetaha vyniku my damahlisia dziakujučy tytaničnaj pracy enierhietykaŭ, našych mižnarodnych partnioraŭ, jakija dapamahali ŭ adnaŭleńni sistemy. Samaja składanaja zima projdzienaja. Nastupny krok — adkryćcio ekspartu elektraenierhii, što dazvolić pryciahnuć dadatkovy finansavy resurs dla nieabchodnaha adnaŭleńnia źniščanaj i ramontu paškodžanaj enierhietyčnaj infrastruktury», — adznačyŭ Hierman Hałuščanka.
Dazvolenaja jeŭrapiejskaj sietkaj apierataraŭ sistemy pieradačy ENTSO-E Mahutnaść dla ekspartu składaje 400 MVt.
Sa słoŭ ministra, adkryćcio ekspartu — heta adkaz ukrainskich enierhietykaŭ na rasijskija abstreły i sproby źniščyć enierhasistemu.
Rasija za čas vajny vypuściła ahułam bolš za dvanaccać sotniaŭ rakiet i bieśpiłotnikaŭ pa klučavych ukrainskich enierhietyčnych abjektach, udakładnili ŭ Ministerstvie enierhietyki Ukrainy.
Jak paviedamiła ŭ subotu brytanskaja raźviedka, Rasii, miarkujučy z usiaho, nie ŭdałosia vyvieści sa stroju enierhietyku Ukrainy.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»2828
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»28
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary