Žycharu Oršy dali dva hady kałonii za zdymki rasijskaj vajskovaj techniki na vakzale
Sudździa Viciebskaha abłasnoha suda Halina Bondał vyniesła prysud 27-hadovamu žycharu Oršy, palitviaźniu Jarasłavu Kazakieviču, abvinavačanamu ŭ «sadziejničańni ekstremisckaj dziejnaści» pavodle č. 1 art. 361-4 Kryminalnaha kodeksa.
Zhodna z materyjałami spravy, abvinavačany a 8-j hadzinie 8 śniežnia 2022 hoda na čyhunačnym vakzale stancyi Orša-Centralnaja źniaŭ na mabilny telefon videa, na jakim byŭ zafiksavany ešałon z rasijskaj vajskovaj technikaj.
Zatym Kazakievič z vahona ciahnika rehijanalnych linij nibyta pierasłaŭ videarolik u telehram-kanał, «infarmacyjnaja pradukcyja jakoha raniej była pryznana sudom ekstremisckimi materyjałami».
Litaralna na nastupny dzień, 9 śniežnia, Jarasłaŭ byŭ zatrymany i aryštavany na 15 sutak za «vyrab i raspaŭsiud ekstremisckich materyjałaŭ» (art. 19.11 KaAP). Na volu jon bolej nie vyjšaŭ.
U vyniku Jarasłavu Kazakieviču prysudzili pakarańnie ŭ vyhladzie pazbaŭleńnia voli na termin dva hady z adbyvańniem u papraŭčaj kałonii va ŭmovach ahulnaha režymu, paviedamiła «Viciebskaja viasna».
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?8
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3131
Kamientary