U Hiermanii biełaruska viezła mihrantaŭ pad narkotykami i trapiła ŭ avaryju
U Saksonii zatrymali 54-hadovuju biełarusku, jakaja padazrajecca ŭ tym, što ŭ stanie narkatyčnaha apjanieńnia viezła na mašynie mihrantaŭ i spravakavała DTZ. Pra heta paviedamlaje sajt «Biełaruś i śviet» sa spasyłkaj na miascovuju palicyju.
U paniadziełak, 17 krasavika, pravaachoŭniki z Hierlica atrymali infarmacyju pra avaryju na trasie BAB 4, niedaloka ad parkoŭki Ajchielbierh, paśla jakoj aŭtamabil, što trapiŭ u zdareńnie, pakinuli niekalki čałaviek — mierkavana mihrantaŭ.
Na miescy palicyjanty ŭstanavili, što sapraŭdy adbyłosia sutyknieńnie, padčas jakoha paciarpieła niemka. Kiroŭca i inšyja ludzi nie paciarpieli.
Padčas pošukaŭ na parkoŭcy znajšli siemiarych mužčyn biez dakumientaŭ. Jany raspaviali, što sami ź Siryi. Mužčyn uziali pad vartu, a ŭ dalejšym pieradali ŭ rasparadžeńnie słužbaŭ, jakija zajmajucca biežancami.
Naša ž suajčyńnica, jak akazałasia, kiravała transpartnym srodkam biez paśviedčańnia kiroŭcy i pad uździejańniem adurmańvalnych rečyvaŭ.
U dačynieńni da žančyny raspačataja sprava pa padazreńni ŭ niezakonnym uvozie zamiežnikaŭ pry niebiaśpiečnych dla žyćcia abstavinach.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii9
Kamientary
A za jezdu vo vsiakich sostojanijach diemokratija žiestko nie nakazyvajet,
miesiaca tri lišienija i štraf ot zarabotka zavisiaŝij.
Za upotrieblenije narkotikov i daž jeśli na karmanie najdut"dla siebia" nie budiet ničieho .
Tak čto nie nado tut sovok razvodiť s požiźnienymi zaklučienijami za lehkije administrativnyje narušienija ;)