Rasija viadzie kartahrafavańnie padvodnaj infrastruktury Skandynavii — ŚMI
Rasijskija karabli-raźviedčyki rychtujuć dyviersii suprać marskich vietranych elektrastancyj, hazapravodaŭ i siłavych kabielaŭ u Danii i krainach Paŭnočnaj Jeŭropy. Pra heta paviedamlaje DR sa spasyłkaj na rasśledavańnie vydańniaŭ Danii, Narviehii, Finlandyi i Šviecyi.
Pa danych jeŭrapiejskich raźviedsłužbaŭ i ekśpiertaŭ, rasijskaja vajennaja prahrama składaje kartu marskich vietranych elektrastancyj, hazapravodaŭ, siłavych i internet-kabielaŭ u vodach vakoł Danii, Narviehii, Finlandyi i Šviecyi.
«U vypadku kanfliktu z Zachadam jany hatovyja i viedajuć, kudy ŭmiašacca, kali chočuć paralizavać dackaje hramadstva», — skazaŭ načalnik kontrvyviedki dackaj palicejskaj raźviedvalnaj słužby (PET) Anders Chienryksien.
Sa słoŭ krynic, vajskovaja prahrama zajmaje centralnaje miesca ŭ padrychtoŭcy Rasii da bujnoha kanfliktu z Zachadam.
«Heta stratehičny patencyjał dla Rasii, jaki ličycca vielmi važnym i kantralujecca niepasredna z Maskvy», — zajaviŭ kiraŭnik vyviedvalnaj słužby Narviehii Nils Andreas Stensanies.
Paviedamlajecca, što ŭ paŭnočnych vodach płavajuć rasijskija «karabli-pryvidy», jakija adklučyli pieradatčyki i nie paviedamlajuć pra svajo miescaznachodžańnie.
U pryvatnaści, havorka idzie ab rasijskim vajennym karabli «Admirał Uładzimirski», jaki aficyjna zajmajecca marskimi daśledavańniami, ale, pa danych krynic DR, jon taksama vykarystoŭvajecca dla raźviedvalnaj pracy.
U listapadzie 2022 hoda hety karabiel chadziŭ pa Bałtyjskim mory, pralivach Vialiki Bielt i Katehat, a taksama pa Paŭnočnym mory.
Jaho maršrut prachodziŭ jak ciapierašnimi, tak i budučymi marskimi vietranymi elektrastancyjami, jaho bačyli taksama la inšych abjektaŭ krytyčnaj infrastruktury kala bierahoŭ Bielhii i Niderłandaŭ.
Pavodle acenak raźviedvalnych krynic i ekśpiertaŭ, metaj misii «Admirała Uładzimirskaha» była padrychtoŭka dyviersii, kab Rasija mieła mahčymaść, u pryvatnaści, paralizavać enierhazabieśpiačeńnie paŭnočna-zachodniaj Jeŭropy.
Letaś žurnalisty vyjavili 50 rasijskich sudnaŭ, jakija za apošnija 10 hadoŭ chadzili padazronymi maršrutami.
Pavodle krynic DR, takija sudny, jak «Admirał Uładzimirski», adpraŭlajuć infarmacyju ŭ raźviedvalnuju sistemu, adkul da jaje moža atrymać dostup, siarod inšaha, rasijskaja prahrama padvodnaj vajny pad nazvaj Gugi.
Čytać taksama:
«Heta trajanski koń». Kitaj moža špijonić z dapamohaj partovych kranaŭ — krynicy ŭ Pientahonie
Narviehija vysyłaje 15 špijonaŭ z pasolstva Rasii
U Polščy zatrymali jašče adnaho rasijskaha špijona. Jaho hramadzianstva nie raskryvajecca
Prakuratura pra śmierć Miełkaziorava: žurnalist mieŭ chraničnuju chvarobu17
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3535
Kamientary