Pavodle aficyjnych źviestak, u Biełarusi zarehistravana ŭžo 128 vypadkaŭ zaražeńnia virusam hrypu A (H1N1).
U Biełarusi zarehistravana ŭžo 128 łabaratorna paćvierdžanych vypadkaŭ zachvorvańnia, vyklikanaha virusam hrypu A (H1N1). Takija źviestki abnarodavaŭ Respublikanski navukova‑praktyčny centr epidemijałohii i mikrabijałohii pa stanie na 9 listapada.
Nahadajem, 8 listapada namieśnik ministra achovy zdaroŭja, hałoŭny sanitarny ŭrač Valancina Kačan paviedamiła, što ŭ krainie zafiksavany 102 takija vypadki, u siami pamierłych ad pnieŭmanii znojdzieny virus A (H1N1).
Na 4 listapada było vyjaŭlena 85 vypadkaŭ zaražeńnia virusam hrypu A (H1N1), na 1 listapada — 59, na 30 kastryčnika — 39.
U RNPC epidemijałohii i mikrabijałohii padkreślivajuć, što manitorynh zachvorvańnia na vostryja reśpiratornyja zachvorvańni pravodzicca štodnia. Praciahvajucca łabaratornyja daśledavańni pa vyjaŭleńni virusaŭ hrypu ŭ kliničnych uzorach, uziatych u chvorych z dyjahnazam VRVI.
Tak, ad 2 da 8 listapada daśledavana 811 uzoraŭ, ź jakich u 266 vyjaŭleny virusnyja antyhieny.
Pavodle infarmacyi centra, samuju vialikuju raspaŭsiudžanaść maje virus hrypu A (101 vypadak). Ustanoŭlenyja taksama virusy hrypu V (6 vypadkaŭ), parahrypu (38 vypadkaŭ), adenavirus (34 vypadkaŭ) i źmiešanaja infiekcyja (41 vypadak).
RNPC epidemijałohii i mikrabijałohii taksama paviedamlaje ab manitorynhu za stanam zdaroŭja pasažyraŭ, jakija prybyvajuć avijatranspartam ź niepaśpiachovych u epidemičnych adnosinach krain. 2—8 listapada dahledžana 143 rejsy, u tym liku tranzitnyja, 7.633 pasažyry i 696 členaŭ ekipažaŭ.
Z momantu viadzieńnia manitorynhu, z 27 krasavika 2009 hoda, dahledžana 4.390 rejsaŭ i 332.374 čałavieki. Padčas praviadzieńnia sanitarna‑karancinnaha kantrolu asobaŭ, chvorych na vysokapatahienny hryp i inšyja infiekcyjnyja zachvorvańni, na jakija raspaŭsiudžvajucca mierapryjemstvy pa sanitarnaj achovie terytoryi, nie vyjaŭlena.
Kamientary