«Hłabalna my hatovyja». Reźnikaŭ raskazaŭ, kali pačniecca ŭkrainski kontrnastup
U hłabalnym sensie Ukraina hatovaja da kontrnastupu, jaki anansavaŭsia raniej. Čakajucca nieabchodnyja ŭmovy nadvorja i rašeńni kamandavańnia. Pra heta zajaviŭ siońnia na pres-kanfierencyi ministr abarony Ukrainy Alaksiej Reźnikaŭ.
«Padrychtoŭka zaviaršajecca, akramia zbroi i techniki jašče pavinna być jaje avałodańnie našymi vajskoŭcami. My vielmi sučasnyja sistemy atrymali, asabliva ŭ častcy braniavanaha kułaka. Ja vam nahadaju, što akramia tankavaj kaalicyi, u jakuju ŭvachodziać u pieršuju čarhu Leopard 2 i Challenger, krychu paźniej pryjeduć Leopard 1», — cytuje słovy Reźnikava RBK-Ukraina.
Jon nahadaŭ, što Ukraina čakaje tanki Abrams, ale jany ŭ hetym kontrnastupie, na dumku ministra, paŭdzielničać nie paśpiejuć.
«Akramia taho, u nas vialikaja kolkaść braniravanych mašyn roznaha typu: i Bradley, i Marder, i Stryker, i C90, tam zaviaršajucca jašče kursy padrychtoŭčyja», — pieraličyŭ Reźnikaŭ.
Pavodle jaho słoŭ, sama technika padrychtavanaja i častkova dastaŭlenaja, a jość technika, na jakoj zaviaršajucca navučalnyja prahramy i ŭžo ekipažy razam ź imi prybuduć tady, kali budzie vyznačana hałoŭnakamandujučym.
«Kali ŭ hłabalnym sensie, u vysokim pracentnym režymie my hatovyja, dalej pytańnie za Hienieralnym štabam, za kamandavańniem. Jak tolki budzie Božaja vola, nadvorje i rašeńnie kamandziraŭ — my heta zrobim», — zajaviŭ Reźnikaŭ.
Niadaŭna ŭ NATO paviedamili, što partniory dali Ukrainie 98% abiacanaj techniki.
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady1
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary