Alenie Hnaŭk dadali hod kałonii za «złosnaje niepadparadkavańnie patrabavańniam administracyi kałonii». Sud adbyŭsia bieź jejnaha ŭdziełu: palitźniavolenuju vydalili jašče na pieršym pasiadžeńni. Ahulny termin pakarańnia pavialičyŭsia da 4 hadoŭ 6 miesiacaŭ, paviedamlaje «Biełsat».
Razhlad spravy, zaviedzienaj pavodle 411-ha artykuła Kryminalnaha kodeksa, pačaŭsia 11 krasavika, i 28-ha ahučany vyrak: pazbaŭleńnie voli ŭ sukupnaści pryhavoraŭ šlacham častkovaha składańnia nie adbytaj častki asnoŭnaha pakarańnia i poŭnaha dałučeńnia nie adbytaj častki dadatkovaha pakarańnia na termin 2 hady 11 miesiacaŭ.
Faktyčna Alenie Hnaŭk dadali hod kałonii.
Sudzili palitźniavolenuju bieź jejnaha ŭdziełu: jaje vydalili jašče na pieršym pasiadžeńni.
2 maja spadaryniu Alenu etapujuć z homielskaj žanočaj kałonii ŭ SIZA №3 Homiela, dzie jana budzie čakać apielacyi.
Letaś u červieni Hnaŭk pryznačyli 3,5 hoda źniavoleńnia i 3200 rubloŭ štrafu pavodle abvinavačvańnia ŭ dyskredytacyi Biełarusi i paklopie na Łukašenku.
Z momantu pryjezdu ŭ homielskuju kałoniju letaś u žniŭni Alena Hnaŭk pačała zmahacca za svaje pravy, što nie spadabałasia administracyi. U dačynieńni da žančyny stali ŭžyvać roznyja pakarańni. Palitźniavolenaja pazbaŭlenaja amal usich pieradač, zvankoŭ i spatkańniaŭ, jaje časta źmiaščajuć u pamiaškańnie kamiernaha typu.
Letaś u kastryčniku Ministerstva ŭnutranych spraŭ uklučyła Hnaŭk u «ekstremiscki» śpis.
Kamientary