Dvuchhadovaj dziaŭčyncy, jakaja ŭpała ŭ Maładziečnie z čaćviortaha paviercha, stała lepiej. Jaje dvuch bratoŭ i siastru zabrali ŭ prytułak
Zdareńnie adbyłosia ŭ šmatdzietnaj siamji, dzie maci adna haduje piaciarych dziaciej.
U dziciačaj balnicy Maładziečanskaj CRB stała lepš dvuchhadovaj dziaŭčyncy, jakaja ŭviečary 25 krasavika vypała z akna čaćviortaha paviercha internata na vulicy Kasmanaŭtaŭ.
Namieśnik hałoŭnaha doktara pa dziacinstvie i rodavaj dapamozie Maładziečanskaj centralnaj rajonnaj balnicy Ina Saŭčyk ranicaj 2 maja raskazała Kraj.by, što dziaŭčynka prachodzić lačeńnie, jaje stan stabilna ciažki z palapšeńniem.
Starejšyja braty małoj, dzieviacikłaśnik i čaćviortakłaśnik, a taksama siastra, jakoj šeść hadoŭ, rašeńniem kamisii pa spravach niepaŭnaletnich Maładziečanskaha rajvykankama źmieščany ŭ adździaleńnie sacyjalnaha prytułku Radaškovickaj siaredniaj škoły №2.
U hetaj ustanovie adukacyi raspaviali nastupnaje:
— Dzieci pastupili da nas u piatnicu. Ź imi ŭsio ŭ paradku. Chłopčyki i dziaŭčynka adčuvajuć siabie narmalna, ale vielmi chočuć dadomu. Zrešty, pa domie sumujuć usie dzieci, jakija traplajuć u prytułak.
Dyrektar Radaškovickaj siaredniaj škoły №2 Ihar Dziatłoŭski adznačyŭ:
— Dzieci buduć znachodzicca ŭ nas šeść miesiacaŭ. Havorka pra pazbaŭleńnie maci baćkoŭskich pravoŭ pakul nie idzie. Na praciahu hetych paŭhoda ź joj buduć pravodzić peŭnuju pracu ŭ ramkach vykanańnia płana mierapryjemstvaŭ z udziełam roznych słužbaŭ, u tym liku MNS, miedycyny i adukacyi. Pa vyniku hetaj pracy prymuć rašeńnie ab mahčymaści viartańnia dziaciej u siamju.
Siastra-bliźnia paciarpiełaj dziaŭčynki pakul taksama znachodzicca ŭ dziciačaj balnicy ŭ Maładziečnie. Siostram u červieni spaŭniajecca try hady. U adździaleńnie sacyjalnaha prytułku ŭ Radaškovičach dziaciej prymajuć mienavita z troch hadoŭ. Pa słovach Ihara Dziatłoŭskaha, ich ustanova adukacyi hatova pryniać siaścior, kali im budzie try hady.
Čytać taksama:
Žychara Mahiloŭskaha rajona zaciahnuła ŭ motakultyvatar
U Minsku chłopčyk zachras pad kanstrukcyjaj dla zachoŭvańnia rovaraŭ
Fielčarka trapiła pad mašynu, akazvajučy dapamohu na darozie
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary