Milicyjanty Viciebščyny vykonvajuć sioletni zahad ministra unutranych spraŭ Uładzimiera Navumava šukać parazumieńnia z nasielnictvam praz šefskuju dapamohu dy niefarmalnyja kantakty šlacham vystupaŭ samadziejnych vykanaŭcaŭ.
Milicyjanty Viciebščyny vykonvajuć sioletni zahad ministra unutranych spraŭ Uładzimiera Navumava šukać parazumieńnia z nasielnictvam praz šefskuju dapamohu dy niefarmalnyja kantakty šlacham vystupaŭ samadziejnych vykanaŭcaŭ.
Kab zrabić pracu chlebarobaŭ bolš praduktyŭnaj, u Viciebski rajon byli nakiravanyja milicyjanty-artysty, jakija paciešyli sialan ZAA «Adradžeńnie» samadziejnym kancertam prosta ŭ poli. Jak miarkujuć u abłasnym UUS, heta natchniaje na lepšuju pracu i pavyšaje jaje praduktyŭnaść.
Ale nia tolki pieśniami-skokami dapamahajuć u žnivie pracaŭniki dručka i žezła. Rajadździeły ŭnutranych spraŭ nakiroŭvajuć svaich supracoŭnikaŭ u viosku i dziela realnaj dapamohi. Skłali adpaviednyja śpisy i hrafiki na Brasłaŭščynie i Ušaččynie. Z Haradka pajechaŭ ramantavać sialhastechniku ŭ haspadarkach «Paŭnočny» i «Haradocki» ŭčastkovy inspektar lejtenat Makaranka, a ŭ KUSCHP «Kutuzava» u jakaści elektryka – jahony kaleha kapitan Markovič. Nia tolki ŭparta źbirajuć kamiani na hłybockich nivach štodzionna pa piać miascovych achoŭnikaŭ paradku, ale jašče hramadoj vyroščvajuć 50 hiektaraŭ burakoŭ, jakija zamacavała za imi miascovaja ŭłada.
Pradstaŭniki Vierchniadźvinskaha RAUS pajšli inšym šlacham – tamaka sumiaščajuć pryjemnaje z karysnym. Starejšy inspektar aperatyŭna-dziažurnaj słužby major Anatol Bołtrušaŭ i milicyjanier-kiroŭca staršyna Andrej Kaśkovič pajšli ŭ čarhovy adpačynak mienavita ŭ čas žniva, kab na pryvatnych hruzavych mašynach paŭdzielničać u pieravozcy zbožža ad kambajnaŭ na ziernietok. Heta i realnaja dapamoha sialanam, i mahčymaść niebłahoha dadatku da milicejskaha zarobku.
Ciapier čytajuć
«Vitold kazaŭ: «Nu što vy, što vy…» A mianty paśla kryčali pra mora kryvi». Palitviazień z susiedniaj kamiery raskazaŭ pra śmierć Ašurka3
Kamientary