Pačaŭsia sud nad hrodzienskim veb-dyzajnieram Hlebam Kojpišam. Jaho sudziać u Mazyry
5 maja sud Mazyrskaha rajona pačaŭ razhladać spravu palitźniavolenaha dyrektara hrodzienskaj studyi veb-dyzajnu «Ikvadart» Hleba Kojpiša ab zamienie jamu režymu adbyćcia pakarańnia na bolš strohi, piša «Homielskaja viasna».
Jon pavinien byŭ vyjści na volu ŭ žniŭni 2023 hoda, całkam adbyŭšy pryznačanaje jamu pakarańnie ŭ vyhladzie dvuch hadoŭ «chimii».
Spravu razhladaje sudździa Anatol Strelčanka.
Hleba Kojpiša zatrymali 25 žniŭnia 2021 u Hrodnie. Doma ŭ jaho, a taksama ŭ studyi, byŭ praviedzieny pieratrus. Jaho abvinavacili ŭ arhanizacyi i padrychtoŭcy dziejańniaŭ, jakija hruba parušajuć hramadski paradak, albo aktyŭnym udziele ŭ ich (č. 1 art. 342 Kryminalnaha kodeksa). 9 śniežnia sud Leninskaha rajona Hrodna vynies jamu prysud: dva hady abmiežavańnia voli z nakiravańniem va ŭstanovu adkrytaha typu. 14 sakavika 2022 Hleb pačaŭ adbyvać pakarańnie ŭ Mazyry, u PUAT №21.
MUS 28 kastryčnika 2022 h. uklučyŭ palitźniavolenaha ŭ «Pieralik asobaŭ, datyčnych da ekstremisckaj dziejnaści».
U Hleba Kojpiša była mahčymaść da ŭstupleńnia prysudu ŭ siłu źjechać z krainy, adnak jon pryniaŭ rašeńnie zastacca.
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ9
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ77
Kamientary