Za repost nacyjanalnaha ściaha i «łajki» hłybačanka adsiedzieła 10 sutak
Žycharku Hłybokaha, jakaja pracuje pradaŭcom-kansultantam, 19 krasavika asudzili pa dvuch artykułach — č. 2 artykuła 19.11 KaAP Biełarusi (raspaŭsiudžvańnie, vyrab, zachoŭvańnie, pieravozka infarmacyjnaj pradukcyi, jakaja źmiaščaje zakliki da ekstremisckaj dziejnaści abo jakaja prapahanduje takuju dziejnaść) i č. 1 artykuła 24.23 KaAP Biełarusi — parušeńnie paradku arhanizacyi ci praviadzieńnia masavych mierapryjemstvaŭ. Staršynia suda Hłybockaha rajona Alena Kot 19 krasavika asudziła žančynu na 10 sutak.
Jak adznačajecca ŭ pastanovie suda, Ała Arechva ŭ sacyjalnych sietkach «Adnakłaśniki» i «UKantakcie» pościła i staviła «łajki» materyjałam, pryznanych uładami «ekstremisckimi». Taksama jana pastaviła padabajku vyjavie z nacyjanalnym bieła-čyrvona-biełym ściaham i kamientarom «Svaboda», paviedamlaje «Viciebskaja viasna».
Hetaje dziejańnie Hłybocki sud rascaniŭ jak adzinočnaje pikietavańnie z metaj publičnaha vykazvańnia svaich hramadska-palityčnych pohladaŭ biez dazvołu Hłybockaha rajvykankama. Sudździa Alena Kot spasłałasia taksama na toje, što staronka žančyny ŭ sacyjalnych sietkach była adkrytaja i publikacyi na joj byli dastupnyja dla ahladu inšym hramadzianam.
Jak zaznačyła Ała Arechva ŭ sudzie, u sacyjalnaj sietcy «Adnakłaśniki» jana łajknuła publikacyju z vyjavaj ściaha bieła-čyrvona-biełaha koleru i kamientarom «Svaboda» tamu, što jana joj spadabałasia.
U vyniku sud aryštavaŭ Ału Arechvu na 10 sutak i kanfiskavaŭ mabilny telefon.
Pačaŭsia sud nad hrodzienskim veb-dyzajnieram Hlebam Kojpišam. Jaho sudziać u Mazyry
U krasaviku 43 čałaviek asudzili pa palityčnych kryminalnych spravach. Voś jakija tendencyi nazirajucca
Prapahandysty vyrašyli nie zamaročvacca z pošukam śpikieraŭ. Voś jak vyhladali tyja, chto ačarniaŭ Bialackaha na BT
Ciapier čytajuć
Žonka ahienta-kachanka Anžaliki Mielnikavaj źviazanaja z arhanizacyjaj Ruskaja madel efiektyŭnaha spakušeńnia15
Kamientary