Litaralna za hod sabaka rastaŭścieŭ, azyz i źmianiŭsia ŭ vyhladzie. Vieterynar tłumačyć, što adbyvajecca sa špicam Łukašenki.
Pieršy raz Łukašenka źjaviŭsia na publicy sa špicam Umkam na subotniku ŭ 2020 hodzie, kali imidžmiejkiery adčajna šukali niešta, što prymusić narod abmiarkoŭvać Łukašenku, a nie jahonych apanientaŭ na vybarach.
Z taho času špic rehularna źjaŭlajecca z palitykam na publicy.
U svoj čas mnohich šakavali kadry z intervju Łukašenki rasijskaj žurnalistcy Naili Askier-zade, dzie sabaka hulaŭ pa stale, ź jakoha jaduć ludzi.
Ale mnohija źviartajuć uvahu, što sa špicam niešta adbyvajecca.
Pahladzicie, jak Umka — pradstaŭnik karlikavaj parody sabak — staŭ vyhladać praz try hady ad svajho pieršaha źjaŭleńnia na publicy.
«Naša Niva» spytała vieterynara, jaki śpiecyjalizujecca na lačeńni svojskich žyvioł, jakija vysnovy jon by zrabiŭ sa śviežych fota z sabakam.
«Abo heta inšy sabaka, abo toj samy, ale z atłuścieńniem, — skazaŭ nam vieterynar. — Atłuścieńnie možna kanstatavać užo čysta vizualna: u sabaki łokci raźjazdžajucca ŭ baki».
«Možna vykazać zdahadku, što sabaku kastryravali. A takaja apieracyja zapavolvaje ŭsie abmiennyja pracesy ŭ arhaniźmie, sutačnaja patreba ŭ kiłakałoryjach źmianšajecca. Heta zakony endakrynałohii.
Ci staŭ haspadar u takim razie ličyć kałoryi sabaki z daviednikam i vahami? Prykidvać, kolki jamu jašče možna dać siońnia?
Najchutčej, sabaku kormiać stolki, kolki toj prosić, a prasić jon moža da taho momantu, pakul jaho nie zvanituje — u sabak pačućcio nasyčeńnia pracuje nie tak, jak u ludziej.
Sabaki jaduć, pakul dajuć i pakul ułazić.
Žyvioł nielha pierakormlivać i karmić «sa stała», patrebny svoj, asobny racyjon i hrafik. Hledziačy na Umku, ja strohaści ŭ padychodzie da hrafika jaho karmleńnia nie baču», — skazaŭ śpiecyjalist.
Čym heta moža być niebiaśpiečna?
«Prablemy ź lišniaj vahoj i pierajadańnie pierahružajuć piačonku, vyklikajuć hiepatoz, cukrovy dyjabiet i inšyja endakrynnyja zachvorvańni. Pakutujuć serca i sustavy. Adnym słovam, źnižajecca jakaść i čakanaja praciahłaść žyćcia. U narmalnych haspadaroŭ špicy, jak i inšyja karliki, žyvuć u siarednim 10—14 hod, kali niama hienietyčnych zachvorvańniaŭ», — reziumavaŭ śpiecyjalist.
Pamieranskija špicy — dekaratyŭnaja paroda sabak. Daviedniki adznačajuć, što sabaki tonka adčuvajuć nastroj haspadara i robiać usio, kab jamu dahadzić.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB23
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ44
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ4
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3030
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»30
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Kamientary