Druhi enierhabłok BiełAES daŭ u enierhasistemu krainy pieršyja kiłavat-hadziny elektraenierhii, paviedamlaje Minenierha.
13 maja ŭ 13.24 u ramkach etapnaj prahramy enierhietyčnaha pusku adbyłosia pieršaje ŭklučeńnie ŭ sietku druhoha enierhabłoka BiełAES — jon vydaŭ u abjadnanuju enierhasistemu krainy pieršyja kiłavat-hadziny elektraenierhii.
Sinchranizacyi turbahienieratara druhoha enierhabłoka atamnaj stancyi z enierhasistemaj papiaredničaŭ vialiki abjom rabot, u tym liku pa vyvadzie reaktarnaj ustanoŭki ŭ krytyčny stan, zatym — na minimalna kantralavany ŭzrovień mahutnaści z dalejšym jaje pavyšeńniem da 40%.
Usie technałahičnyja apieracyi vykananyja ŭ adpaviednaści z rehłamientam, z zachavańniem nieabchodnych patrabavańniaŭ biaśpieki, paviedamlaje Minenierha.
U najbližejšy čas śpiecyjalisty praciahnuć paetapnaje zasvajeńnie mahutnaści reaktara błoka da 100% — napieradzie etap jaho dośledna-pramysłovaj ekspłuatacyi. Jon praduhledžvaje šyroki śpiektr vyprabavańniaŭ technałahičnych sistem i abstalavańnia na roznych režymach pracy błoka, u tym liku ź jaho adklučeńniem ad sietki.
Uvod błoka ŭ pramysłovuju ekspłuatacyju zapłanavany ŭ 2023 hodzie.
Nahadajem, što ŭ minułym hodzie doŭhi čas prastojvaŭ pieršy enierhabłok AES.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary