Andžej Duda prakamientavaŭ situacyju z aerastatam nad terytoryjaj Polščy, a łukašysty praviali infarmacyjnuju ataku na polskaha ministra abarony
Siońnia prezident Polščy Andžej Duda padčas nazirańnia za vučeńniami «Anakonda-23» na Centralnym palihonie pavietranych siłaŭ vykazaŭsia pra naziralny aerastat, jaki 13 traŭnia, jak paviedamlała polskaje Minabarony, zalacieŭ ź Biełarusi na terytoryju Polščy.
«Kožny imkniecca vykonvać svaje abaviazki jak najlepiej, — skazaŭ Duda. — My viedajem, što jość roznyja situacyi, bo čas taki, ź jakim nikoli jašče nie mieli spravy. Vajna nie była nastolki blizka da nas, nie była takaja adčuvalnaja. Jana stvaraje šmat roznych, ciažkich situacyjaŭ, pravakacyj. Chacia b tyja, jakija my bačym ciaham apošnich hadzin, kali čujem, što ŭ Polšču ź Biełarusi laciać abjekty».
Duda zapeŭniŭ, što za ŭsimi abjektami polskija vajskoŭcy nazirajuć i z kožnaj padziei, jakaja adbyvajecca, robiacca vysnovy, nakolki jany pahražajuć biaśpiecy.
Kiraŭnik polskaj dziaržavy padkreśliŭ niekalki razoŭ, što apošnija situacyi — novyja dla krainy, Polšča i polskaja armija nie sutykalisia z takimi padziejami šmat dziesiacihodździaŭ. Tamu źjaŭlajucca situacyi, kali peŭnyja pracedury zapuskajucca pieršy raz, adznačyŭ Duda i dadaŭ, što pra niekatoryja rečy nie moža kazać z-za ich kanfidencyjnaści.
Miž tym łukašenkaŭskija siłaviki praz svoj telehram-kanał «Nievalfovič» z hetaj nahody praviali infarmacyjnuju ataku suprać ministra abarony Polščy Maryjuša Błaščaka, usie etapy jakoj padrabiazna prasačyła Reform.by.
«Šaryk, jaki dalacieŭ amal da Varšavy, moža kaštavać pasady tak zvanamu ministru abarony Polščy», — zajavili aŭtary kanała, manipulacyjna pieraličyŭšy ŭsie incydenty, jakija adbylisia za apošni čas u pavietranaj prastory Polščy i zadaŭšy pry kancy pytańnie, ci nie para Błaščaku ŭ adstaŭku paśla ŭsich hetych prakołaŭ.
Pakolki paviedamleńnie sabrała bolš za 100 tysiač prahladaŭ, a dla kanała z nakručanymi 14 tysiačami padpisčykaŭ, dzie standartny post prahladaje ad 1 da 3 tysiač karystalnikaŭ, vynik vyhladaje fienamienalnym, to možna mierkavać, što tekst pierapościła sietka partniorskich rasijskich kanałaŭ.
Paśla «Nievalfovič» paviedamiŭ, što na płatformie Open Petition źjaviłasia pietycyja z patrabavańniem ab adstaŭcy Błaščaka, jakaja hetak ža sama fienamienalna litaralna za hadzinu nabrała 13 tysiač podpisaŭ, a zatym była vydalenaja ź placoŭki nibyta «pa patrabavańni polskich uładaŭ».
Što aznačała hetaja chutkaciečnaja kampanija, pakul ciažka skazać. Mahčyma, łukašenkaŭskija i rasijskija siłaviki takim čynam trenirujucca pierad niejkimi nastupnymi bolš surjoznymi sumiesnymi infarmacyjnymi atakami.
Ciapier čytajuć
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary