Ideałahičny manumient, jaki źbirajucca pastavić na Kastryčnickaj płoščy ŭ Minsku, nie acanili navat łukašysty
«Jak dziaržzakaz pra adzinstva, tak niby pracavaŭ z-pad pałki na ad****sia».
Manumient, jaki płanujuć pastavić u Minsku na Kastryčnickaj płoščy, budzie pryśviečany tak zvanamu «adzinstvu biełaruskaha naroda». U centry kampazicyi płanujuć raźmiaścić fihuru žančyny-sialanki, jakaja ŭvasablaje Biełaruś, sa ściaham u adnoj u ruce i dziciem — u druhoj. Bareljefy na pastamiencie buduć apaviadać pra roznyja pieryjady biełaruskaj historyi. Vakoł centralnaj fihury buduć raźmieščanyja simvaličnyja vyjavy abłaściej.
Pracuje nad prajektam aŭtarski kalektyŭ pad kiraŭnictvam Kanstancina Kaściučenki.
Pytańni da mastackaj vartaści budučaha manumienta ŭźnikli navat u łukašystaŭ.
«Adzinstva heta dobra. Biezhustoŭščyna — drenna. Pieršaje ŭražańnie — heta niejkaja psieŭdadruidskaja kryndžacina. Da hieamietryi nijakich pretenzij, ale baba ŭ centry kampazicyi prosta niešta. (…) Babu z vysachłym tvaram i zapałymi vačyma prybrali z prapraprababulinaha kufra (isnuje pavierje, što biełarusy abaviazkova pavinny nasić vyšyvanku, łapci i sałamiany kapialuš, choć u pryrodzie jany nie sustrakajucca ŭžo dobrych hadoŭ 100), a dzicia čamuści hołaje i bosaje», — napisaŭ praŭładny kanał «KrysołOFF».
«Kali heta pomnik sacyjalnamu niaščaściu, to atrymałasia toje što treba. Kali adzinstvu, to tryźnieńnie sivoj kabyły», — praciahvaje aburacca kanał.
Manumient Kaściučenki ŭ Traściancy jon chvalić, ale niezadavoleny prajektam dla centra horada.
«Voś «Brama pamiaci» ŭ Traściancy ŭ Kaściučenki atrymałasia vielmi hłybokaj, pradumanaja kožnaja detal, kožny štrych prosta kryčyć bolem. A jak dziaržzakaz pra adzinstva, dyk niby pracavaŭ z-pad pałki praź niechaču i na ad****sia. Dziaržzakaz — heta ž nie hrant Akademii pryhožych mastactvaŭ u Fłarencyi, i tak sydzie, usio roŭna čarkaškvaračniki ničoha ŭ kulturcy nie razumiejuć», — abrynuŭsia na skulptara praŭładny kanał. Jaho reposnuła i «infakazačka» Volha Bondarava.
Kali źjavicca ideałahičny manumient, pakul nieviadoma. Adznačałasia, što prajekt i nazva centralnaj fihury jašče prapracoŭvajucca.
Ciapier čytajuć
Aryštavali byłoha pamočnika Michaiła Miaśnikoviča5
Aryštavali byłoha pamočnika Michaiła Miaśnikoviča
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary