U 43-ju hadavinu vychadu lehiendarnaj hulni Pac-Man kampanija Lego vypuskaje kanstruktar, pryśviečany kłasičnaj arkadzie.
Lego anansavała novy nabor, zasnavany na kłasičnaj arkadnaj hulni 1980-ch Pac-Man. Nabor z 2650 častak uznaŭlaje vid arkadnaha aŭtamata Pac-Man i idzie ŭ kamplekcie z padśvietkaj dla maniet, čatyrochbakovym džojścikam i niepasredna hulnioj (praŭda, u miechaničnym varyjancie).
Zboku šafy jość rukajatka, jakuju možna krucić dla pieramiaščeńnia piersanažaŭ pa łabiryncie hulni. Da taho ž u kamplekcie jość dyjarama, jakaja adlustroŭvaje i mini-viersiju arkadnaha aŭtamata (to-bok mini-aŭtamat unutry mini-aŭtamata).
Vypusk kanstruktara Pac-Man adbyvajecca praz 43 hady paśla taho, jak kampanija Bandai Namco (tady viadomaja jak Namco) upieršyniu pratestavała hulniu ŭ 1980 hodzie, raspaviadaje The Verge. Pac-Man ličycca adnoj z samych papularnych arkadnych hulniaŭ usich časoŭ: tak, u pres-relizie Lego adznačajecca, što za siem hadoŭ paśla pieršapačatkovaha vypusku hulnia była ŭstalavanaja na 293822 arkadnych aŭtamatach.
Nabor Pac-Man budzie kaštavać 269,99 dalara i pastupić u prodaž 4 červienia. Darečy, stolki ž kaštavaŭ i inšy nabor, jaki vyjšaŭ niadaŭna i byŭ pryśviečany kłasičnaj hulniavoj prystaŭcy NES ad Nintendo. Hety nabor źjaŭlajecca apošnim u sieryi, pryśviečanaj videahulniam, jakaja ŭklučała taksama sieryju interaktyŭnych kanstruktaraŭ Super Mario.
Ciapier čytajuć
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia28
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary