Stołtenbierh: Pahadnieńnie ab raźmiaščeńni jadziernaj zbroi ŭ Biełarusi nieprymalnaje
Hienieralny sakratar NATA Jens Stołtenbierh prakamientavaŭ niadaŭna padpisanaje pahadnieńnie ab pieramiaščeńni rasijskaj taktyčnaj jadziernaj zbroi ŭ Biełaruś.
Hienieralny sakratar NATA Jens Stołtenbierh padčas svajho vizitu ŭ Osła prakamientavaŭ navinu ab raźmiaščeńni rasijskaj taktyčnaj jadziernaj zbroi ŭ Biełarusi. Jaho słovy 30 maja pryvodzić narviežskaje vydańnie Nettavisen.
Na dumku Stołtenbierha, lubyja padpisanyja pamiž Biełaruśsiu i Rasijaj damoŭlenaści ab raspaŭsiudžvańni jadziernaj zbroi — heta «vielmi biezadkaznaja i niebiaśpiečnaja rytoryka».
«Toje, što my bačym z rasijskaha boku — heta vielmi biezadkaznaja i niebiaśpiečnaja rytoryka, jakaja znoŭ pahražaje śvietu jadziernaj zbrojaj. Heta niebiaśpiečna i nieprymalna, a sama Rasija pavinna zrazumieć, što jadzierny kanflikt ni jana, ni chto-niebudź jašče nikoli nie vyjhraje», — zajaviŭ Jens Stołtenbierh.
Pavodle jaho słoŭ, NATA ŭvažliva adsočvaje ŭsie dziejańni Rasii, adnak nie bačyć niejkaha surjoznaha dysbałansu sił u rehijonie, jaki patrabuje ad arhanizacyi jakoj-niebudź reakcyi.
Nahadajem, što raniej Alaksandr Łukašenka paviedamiŭ, što Rasija nibyta ŭžo pačała pieramiaščać svaju taktyčnuju jadziernuju zbroju ŭ Biełaruś. Adnak sam Kreml hetyja słovy nijak nie paćvierdziŭ.
«Razam z rasijskaj zbrojaj moža źjavicca i rasijskaja vajskovaja baza. A vypierci ich budzie składana». Jakija nastupstvy atrymaje Biełaruś praz raźmiaščeńnie jadziernaj zbroi na svajoj terytoryi
«Ludzi pryvykli žyć u kamforcie, cyvilizavana, pryhoža». Valfovič patłumačyŭ, navošta Biełarusi jadziernaja zbroja
«Navat jadziernaja zbroja adna na dvaich». Takajeŭ ličyć prablemaj Sajuznuju dziaržavu ŭ składzie JEAES
Alimpijski čempijon Aramnaŭ: Nam vyhadnaja praciahłaja vajna, i Vova dy Saša ŭ joj pieramohuć24
Kamientary
Polša tožie očień chočiet .