U finalnym matčy, što prajšoŭ u Budapiešcie, ispancy ŭ sieryi pienalci pieramahli italjanskuju «Romu».
Asnoŭny čas skončyŭsia ź likam 1:1. Pryčym zabivaŭ tolki italjanski kłub.
U pieršym tajmie vyznačyŭsia arhiencinski forvard Paŭła Dybała, a ŭ druhim tajmie miač u svaje varoty zrezaŭ Džanłuka Mančyni. U dadatkovy čas hałoŭ nie było.
A sieryju pienalci «Sievilja» vyjhrała ź likam 4:1.
Takim čynam, «Sievilja» siomy raz vyjhrała Kubak UEFA / Lihu Jeŭropy, pryčym usie tytuły ispanskaja kamanda zavajavała z 2006 hoda. Kali kłub dabiraŭsia da finała jeŭrakubka, to jon ni razu nie prajhravaŭ.
U svaju čarhu Žaze Maŭryńju, jaki zaraz treniruje «Romu», prajhraŭ pieršy svoj jeŭrakubkavy finał.
7 červienia ŭ Prazie projdzie finał Lihi kanfierencyj: «Fijarencina» — «Vest Chem».
A 10 červienia ŭ Stambule — finał Lihi čempijonaŭ: «Mančester Sici» — «Inter».
U minskim mietro prachodziać vyprabavańni novyja ciahniki FOTY3
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju2020
Kamientary