Uładzimir Zialenski prybyŭ ź vizitam u Małdovu, dzie voźmie ŭdzieł u samicie Jeŭrapiejskaj palityčnaj supolnaści.
«Šmat dvuchbakovych sustreč. Raźvivajem kaalicyju źniščalnikaŭ i prapanujem kaalicyju «Patryjotaŭ». ES, NATA, formuła śvietu. Usio dla abarony našaj budučyni», — napisaŭ prezident Ukrainy ŭ telehramie.
Siońnia ŭ Małdovie adbudziecca biesprecedentnaja padzieja ŭ historyi krainy. Kala 50 prezidentaŭ, premjer-ministraŭ i vysokapastaŭlenych jeŭrapiejskich čynoŭnikaŭ pryjechali ŭ krainu dla ŭdziełu ŭ samicie Jeŭrapiejskaj palityčnaj supolnaści, jaki prachodzić u zamku Mimi ŭ siale Bulboaka, prykładna za 35 kiłamietraŭ ad Kišyniova.
Pieršym na samit prybyŭ prezident Ukrainy Uładzimir Zialenski, udzieł jakoha ŭ samicie byŭ zasakrečany ŭ metach biaśpieki, piša newsmaker.md.
Kamientary