U Rasii zatrymali sieryjnaha hvałtaŭnika, jaki amal 30 hadoŭ tamu zabiŭ i spaliŭ dziaŭčynu ŭ Minsku
Za złačynstvy ŭ Biełarusi na jaho zaviali 7 kryminalnych spraŭ, jamu pahražaje pažyćciovaje pazbaŭleńnie voli.
1 červienia ŭ Varoniežy byŭ zatrymany 52-hadovy rasijanin, jaki amal 30 hadoŭ tamu zhvałtavaŭ i zabiŭ 18-hadovuju biełarusku, a zatym spaliŭ jaje cieła. Jak paviedamlaje Śledčy kamitet Rasii, usiaho na złačyncu zaviali 7 kryminalnych spraŭ.
Asabistyja źviestki samoha złačynca nie nazyvajucca. Paznačana tolki toje, što jon učyniŭ złačynstvy pa nastupnych artykułach: zabojstva, zhvałtavańnie, kradziež, machlarstva, razboj, vykradańnie dakumientaŭ i naŭmysnaje źniščeńnie majomaści.
Usie hetyja dziejańni adbyvalisia ŭ Minsku ŭ 1996 hodzie, a sam rasijanin znachodziŭsia ŭ vyšuku 27 hadoŭ.
«Mužčyna maje dačynieńnie da 3 faktaŭ zhvałtavańnia ŭ Minsku ŭ 1996 hodzie, padčas adnaho ź jakich zabiŭ 18-hadovuju dziaŭčynu, a zatym spaliŭ jaje cieła ŭ sprobie zamieści ślady. Praz heta hramadzianin užo aryštoŭvaŭsia ŭ 2001 hodzie, adnak tady pry zatrymańni vyskačyŭ z 4 paviercha, atrymaŭ šmatlikija pierałomy i zatym byŭ dastaŭleny ŭ špital, adkul zdoleŭ uciačy. 1 červienia 2023 hoda ŭ Varoniežy mužčynu aryštavali znoŭ», — zajavili ŭ pres-centry MUS Rasii.
Za ŭčynienyja złačynstvy rasijaninu pahražaje pažyćciovaje pazbaŭleńnie voli, adnak sudzić jaho buduć nie ŭ Biełarusi praz rasijskaje hramadzianstva.
Ciapier čytajuć
Jak u halečy śpivałasia radnia Łukašenki? Małaviadomyja fakty49
Kamientary