Pačalisia bai ŭ rajonie Uremieŭskaha vystupu — kiraŭnik akupacyjnaj administracyi
U noč na 5 červienia Minabarony Rasii paviedamiła pra maštabny nastup USU na paŭdniovadanieckim kirunku.
Z samaj ranicy 5 červienia adnavilisia aktyŭnyja bai ŭ rajonie Uremieŭskaha vystupu, jakija pačalisia napiaredadni, paviedamiŭ člen akupacyjnaj administracyi Zaparožskaj vobłaści Uładzimir Rohaŭ u telehram-kanale. Ź jahonych słoŭ, ukrainski bok «kinuŭ u ataku jašče bolšyja siły, čym učora, padyšoŭšy da sproby praryvu bolš maštabna i arhanizavana».
U noč na 5 červienia Minabarony Rasii paviedamiła pra maštabny nastup USU na paŭdniovadanieckim kirunku, jaki nibyta ŭdałosia adbić siłami «Uschodniaj» hrupoŭki vojskaŭ.
Napiaredadni Rohaŭ paviedamiŭ, što ŭkrainskija vojski, u tym liku polskija najomniki, sprabavali prarvać front na zaparožskim kirunku. Jany prasunulisia na 400 mietraŭ, ale rasijskija siły nibyta adkinuli ich nazad, śćviardžaŭ jon. Paźniej Rohaŭ udakładniŭ, što bajavyja sutyknieńni ŭ rajonie vystupu praciahvalisia bolš za vosiem hadzin.
Kamientary