Vučań u Hancavickim rajonie na školnaj liniejcy straciŭ prytomnaść, upaŭ, złamaŭ skivicy i vybiŭ zuby
13-hadovy školnik z Hancavickaha rajona złamaŭ skivicy i straciŭ niekalki zuboŭ na školnaj liniejcy. Niaščasny vypadak adbyŭsia ŭ Hancavickaj siaredniaj škole 25 maja na liniejcy, pryśviečanaj kancu školnaha hoda, piša «Hancavicki čas».
Jak stała viadoma «HČ», liniejka ŭ škole pačałasia prykładna ŭ 9 hadzin ranicy. Nie prajšło i paŭhadziny, jak chłopčyk, jaki stajaŭ u druhim radzie, upaŭ tvaram uniz i stuknuŭsia ab bieton.
Nastupstvami stali pierałamanyja skivicy i vydaleńnie čatyroch zuboŭ.
Chutkaja dapamoha dastaviła školnika ŭ Hancavickuju CRB, ale za dzieviać dzion školnik pabyvaŭ u balnicach troch haradoŭ — Hancavičaŭ, Baranavičaŭ i Bresta.
Z Hancavickaj CRB jaho advieźli ŭ miedustanovu ŭ horad Baranavičy. Ale traŭma akazałasia vielmi surjoznaj. Chłopčyka nakiravali ŭ adździaleńnie skivična-tvarnaj chirurhii ŭ Brest.
U Bresckaj abłasnoj kliničnaj balnicy chłopčyku zrabili apieracyju, pastavili impłanty.
Vypisali padletka 2 červienia 2023 hoda pad nazirańnie hancavickich stamatołahaŭ.
Kamientary