Kredyty na žyllo stali tańniejšymi. Voś što ciapier prapanujuć

Kredyty na žyllo stali tańniejšymi. Kolki ciapier treba addavać banku i jakija jość varyjanty

Kredyty tańniejuć. Heta źviazvajuć sa stabilizacyjaj ekanamičnaj situacyi ŭ krainie, a taksama ź mierami, jakija pradprymaje Nacbank. Z pačatku 2023 hoda staŭka refinansavańnia ŭ krainie źnižałasia piać razoŭ — z 12 da 9,75%.

Raźlikovaja vieličynia standartnaj ryzyki (RVSR), jakaja taksama ŭpłyvaje na košt kredytaŭ dla fizičnych asob, za toj ža pieryjad pamienšyłasia na 3,51 pracentnaha punkta — da 14,89%.

Kali paraŭnać kredyty (zvyčajnyja i tolki dla kupli hatovaha žylla) ź situacyjaj u lutym, to možna zrabić niekalki vysnoŭ.

Vysnova pieršaja — stanoŭčaja: za čatyry miesiacy kredyty stali tańniejšymi ŭ siarednim na 3%. Kali ŭ lutym banki prapanoŭvali ich pad 16,9-17,5%, to ciapier pad 14,5-15%.

Vysnova druhaja — taksama sa znakam plus: banki stali davać klijentam bolš hrošaj pry anałahičnym štomiesiačnym pamiery dachodaŭ. 

Vysnova treciaja: prapanoŭ na rynku pa-raniejšamu zamała. Pa sutnaści, kredyty dla kupli žylla na druhasnym rynku biez pryviazki da partniorskich prahramach, jak i ŭ pačatku hoda, prapanujuć tolki vosiem bankaŭ.

Kredytnyja prahramy na pakupku žylla na druhasnym rynku jość u Biełarusbanku (ciapierašniaja staŭka 14,65%), Biełahraprambanku (14,66%), Bielinviestbanku (14,41%), Biełhazprambanku (pieršyja paŭhoda 9,9%, paśla 15%), BTA Banku (14,5%), Technabanku (14,5%), banku BiełVEB (14,89%), Pryjorbanku (14,86%).

Hrošaj prapanujuć bolš, ale jość niuansy

Majučy čysty štomiesiačny dachod 3 tysiačy rubloŭ (tudy mohuć uklučacca taksama dachody blizkich svajakoŭ), u červieni ŭ Biełarusi pry kupli žylla na druhasnym rynku možna raźličvać na kredyt ad 99,5 da 173,5 tysiačy rubloŭ u bolšaści vypadkaŭ terminam na 20 hadoŭ. Heta značna bolš, čym u lutym (81,7-148,3 tys.).

Dyjapazon štomiesiačnych płaciažoŭ pry hetym vahajecca ad 1485 da 2600 rubloŭ. Ale heta «startavyja» ličby — u pieršy miesiac płaciažoŭ. U dalejšym pry dyfierencyravanaj sistemie raźlikaŭ sumy buduć źnižacca.

Viadoma, pryviedzienyja vyšej maksimalnyja sumy kredytu i pamiery štomiesiačnych płaciažoŭ nosiać prykładny charaktar, bo kančatkovyja ŭmovy banki mohuć vyznačyć tolki paśla vyvučeńnia ŭsich dakumientaŭ. Hetyja ličby raźličvalisia dla klijentaŭ, nie abciažaranych inšymi kredytami i z dobraj kredytnaj historyjaj.

Akramia taho, varta ŭličvać uzrost pazyčalnika. Čym jon starejšy — tym mienšaja suma kredytu i karaciejšy termin. Tak, kali maładomu čałavieku da 30 hadoŭ, bank hatovy, naprykład, dać 145 tysiač rubloŭ na 20 hadoŭ, ale kali pazyčalnik va ŭzroście 50+ — tolki 125 tysiač na 96 miesiacaŭ.

• 3
• 0
• 0
• 1
• 1
• 3
• 1
• 0