U paniadziełak stamatołahi zrobiać prezidentu ZŠA Džo Bajdenu apieracyju pa vydaleńni zapalenaj pulpy — złučalnaj tkanki, jakaja zapaŭniaje połaść zuba. «Siońnia ranicaj u Biełym domie prezidentu praviaduć apieracyju pa vydaleńni pulpy zuba», — havorycca ŭ paviedamleńni, raspaŭsiudžanym Biełym domam.
Adznačajecca, što pracedura nie budzie pravodzicca pad ahulnym narkozam, tamu časovaj pieradačy paŭnamoctvaŭ vice-prezidentu nie płanujecca.
Pavodle lekara amierykanskaha lidara Kievina O'Konara, jon 11 červienia paskardziŭsia na zubny bol. Śpiecyjalisty praviali ŭ Biełym domie abśledavańnie i pryniali rašeńnie ab nieabchodnaści depulpiravańnia chvoraha zuba. U toj ža dzień była praviedziena padrychtoŭka da apieracyi, jakuju Bajden pieranios dobra. Zaraz jaho čakaje sama apieracyja.
Praź jaje nieabchodnaść była pieraniesiena sustreča Bajdena z hienieralnym sakratarom NATA Jensam Stołtenbierham, na jakoj pavinna abmiarkoŭvacca dalejšaja padtrymka Ukrainy ŭ jaje supraćstajańni rasijskaj ahresii.
Kamientary
Cikava, ci buduć chavać dzieda lajalisty hetych samych pucinałukašenak.