Pucin učora nazvaŭ abstreły žyłych rajonaŭ biessensoŭnymi. Praź niekalki hadzin Rasija naniesła ŭdar pa piacipaviarchoviku ŭ Kryvym Rohu
U vyniku ŭdaru zahinuli 10 čałaviek, paciarpieli 28, ź ich 12 znachodziacca ŭ balnicach.
Udar pa horadzie byŭ naniesieny kryłatymi rakietami. Try ź ich byli źniščany siłami SPA. Inšyja, akramia piacipaviarchovaha doma, parazili skład, pradpryjemstva (tam zahinuŭ jašče adzin čałaviek), padraździaleńnie ratavalnikaŭ i jašče adzin abjekt.
Prezident Rasii Uładzimir Pucin 12 červienia nazyvaŭ udary pa žyłych rajonach «biessensoŭnymi»:
«Navošta praciŭnik bje pa žyłych kvartałach, ja nijak nie mahu zrazumieć. Dziela čaho, navošta, u čym sens? I pa vidavočna humanitarnych abjektach — heta dziŭna prosta, bo sensu niama nijakaha. Jaki sens u hetym? Vajennaha sensu niama nijakaha, [jon] nulavy».
Minabarony Rasii z samaha pačatku vajny paśla papadańniaŭ rakiet u damy zajaŭlaje, što vysokadakładnaj zbrojaj byli atakavanyja «vajennyja» celi, i admaŭlajecca brać adkaznaść za hibiel mirnych žycharoŭ.
Kamientary