Padčas načnych udaraŭ pa Adesie adna z rakiet trapiła ŭ składskoje pamiaškańnie, u vyniku čaho try čałavieki zahinuli i siamiora atrymali ranieńni, pra heta paviedamiła apieratyŭnaje kamandavańnie «Poŭdzień» USU.
Tam dadali, što, pavodle ŭdakładnienych źviestak, na Adesu skiravali čatyry rakiety «Kalibr» z akvatoryi Čornaha mora.
«U vyniku pavietranaha boju i ŭździejańnia vybuchovaj chvali paškodžany biznes-centr, navučalnaja ŭstanova, žyły kompleks, ustanovy charčavańnia i kramy ŭ centry horada. Papiarednie, šeść čałaviek atrymali ranieńni», — havorycca ŭ paviedamleńni.
«Trapleńniem rakiety ŭ składskoje pamiaškańnie adnoj z handlovych sietak vorah vyklikaŭ razbureńni ŭ 1000 kv. m i pažar na płoščy 400 kv. m. Try supracoŭniki składa zahinuli, siem atrymali ranieńni. Praciahvajecca razbor zavałaŭ. Pad imi mohuć być ludzi», — dadali pradstaŭniki USU.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ18
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary