Safiju Sapiehu pamiłavali biez chadajnictva na imia Łukašenki — advakat
Advakat Anton Hašynski raspavioŭ Deutsche Welle padrabiaznaści vyzvaleńnia jaho padabaronnaj Safii Sapiehi, jakuju hod tamu asudzili na 6 hadoŭ pazbaŭleńnia voli, a ŭ červieni hetaha hoda raptam vyzvalili paśla hoda, praviedzienaha ŭ kałonii.
U samym pačatku rasśledavańnia spravy Sapieha zaklučyła pahadnieńnie sa śledstvam, ale, na dumku advakata, vialikich ilhot heta joj nie pryniesła.
«Pry hetym joj daviałosia dać pryznalnyja pakazańni, dać dostup da nośbitaŭ infarmacyi, praz što paciarpieła šmat ludziej, mahčyma, jašče bolš paciarpić. Infarmacyja, jakaja tam zachoŭvałasia, paciahnuła abo moža paciahnuć niadobryja nastupstvy», — ličyć Anton Hašynski.
Sapiezie pahražała 12 hadoŭ pazbaŭleńnia voli, sud pryznačyŭ joj roŭna pałovu, bo jana vykanała ŭmovy pahadnieńnia. Paśla zakančeńnia papiaredniaha śledstva było padadziena chadajnictva ab vyzvaleńni ad kryminalnaj adkaznaści, ale joj admovili, paśla čaho sudzili. Znachodziačysia ŭ kałonii, Sapieha padała prašeńnie ab pamiłavańni, adnak kamisija prahałasavała suprać.
Druhi raz z chadajnictvam ab pamiłavańni Sapieha nie źviartałasia da Łukašenki, kaža Anton Hašynski. Byŭ pačaty praces pieradačy ŭ Rasiju — rodnyja damahalisia taho, kab Sapieha, jak hramadzianka RF, adbyvała pakarańnie tam.
Jak jaje mahli pamiłavać?
Advakat nahadvaje, što ŭ zakonie jość fraza: «kali inšaje nie ŭstanoŭlena prezidentam». Mienavita hetym punktam i skarystalisia.
Adrazu paśla vyzvaleńnia dziaŭčyna palacieła ŭ Dubaj, ciapier jana adpačyvaje ŭ Tajłandzie. Ci płanuje jana viartacca ŭ Biełaruś ci Rasiju, Hašynskamu nieviadoma.
***
Nahadajem, što pamiłavanuju Alaksandram Łukašenkam Safiju Sapiehu pieradali 7 červienia z papraŭčaj kałonii ŭ Homieli delehacyi Prymorskaha kraju, jakuju ŭznačalvaŭ hubiernatar Aleh Kažamiaka.
Safija Sapieha razam z Ramanam Pratasievičam byli zatrymanyja 23 maja 2021 hoda ŭ vyniku prymusovaj pasadki ŭ Minsku samalota Ryanair rejsam Afiny — Vilnia.
6 maja 2022 hoda Sapiehu asudzili da šaści hadoŭ kałonii. Sud pryznaŭ jaje vinavataj u raspalvańni sacyjalnaj varožaści, źlivie danych siłavikoŭ (sprava «Čornaj knihi Biełarusi»). Hod jana praviała ŭ homielskaj kałonii, dzie padviarhałasia cisku.
Raman Pratasievič byŭ asudžany 3 maja 2023 hoda na 8 hadoŭ kałonii ŭzmocnienaha režymu pa spravie Nexta. 22 maja jon byŭ pamiłavany.
Safija Sapieha znachodzicca zaraz u Tajłandzie
Safija Sapieha pra adnosiny z Pratasievičam: Ja b nie nazvała heta kachańniem
Kaho i čamu zdaŭ Raman Pratasievič. Heta historyja pra toje, jak adno fota moža źmianić usio žyćcio. Mnoha žyćciaŭ
Pratasievič pryjšoŭ na intervju na kanał Sałaŭjova. U jaho spytali, ci zabiŭ by jon Puciłu
Pratasievič daŭ pakazańni na Safiju Sapiehu — «Baza»
«Šalona ŭdziačny krainie i asabista prezidentu». Raman Pratasievič pamiłavany
Kamientary